دەستەڵاتدارانی هۆڵەندی، ڕازی بوون بە دابینکردنی خانووی کاتی بەلایەنی کەم بۆ هەزار کۆچبەر لەسەر کەشتییەک لە بەندەری ئەمستردامی پایتەخت، بەتایبەتی دوای ئەوەی زیاتر لە 700 کۆچبەر لە دەوروبەری سەنتەری پێشوازی تێرێ ئابێلی باکووری هۆڵەندا بێ شوێنی مانەوە بوون.
هۆڵەندا دەستپێشخەری کردووە بۆ ئەوەی هەنگاوێکی نوێ بنێت دوای قەیرانی سەنتەری پێشوازی تێرێ ئابێلی باکووری هۆڵەندا، کە لە 24ی ئابدا مردنی منداڵێکی ساوای سێ مانگی لێکەوتەوە و، چۆڵکردنی زیاتر لە 700 کەس لەدەوروبەری، دەستەڵاتداران ڕازی بوون بە دابینکردنی خانووی کاتی بۆ نزیکەی هەزار پەناخواز لەنێو کەشتییەکی گەشتیاریدا.
کەشتییەکە بەلایەنی کەمەوە بۆ ماوەی شەش مانگ لەپایتەختدا لەنگەری گرتووە و دەمێنێتەوە.
لە مانگی تەموزدا، وەزیری دەرەوەی هۆڵەندا بۆ پەنابەری، ئیریک ڤان دێر بۆرگ، پلانێکی ڕاگەیاند بۆ دابینکردنی خانووی کۆچبەران لەسەر کەشتییە گەشتیارییەکان، کە لە بەندەرێکی دیاریکراودا جێگیرکراون، بەڵام چەندین کۆمەڵە ڕەخنە لە پێشنیارەکە دەگرن، لەوانە UNHCR، گوتیان کە دروستکردنی کۆچبەران لەسەر کەشتیەکان لە جیاتی پەناگا، کۆچبەران گۆشەگیر دەکات و لە کۆمەڵگا دادەبرێن، بەو هۆیەوە جوڵەی سنوورداریان دەبێت، کە دەبێتە هۆی قەیرانێکی گەورەتر.