لە شاری پزیشکی شا عەبدوڵڵا لە سعودیە، مردوویەک بەشداری لە ڕزگارکردنی 5 حاڵەتی مەترسیدار کردووە، ئەوەش لەڕێگەی بەخشینی ئەندامەکانی جەستەیەوە.
شاری پزیشکی سعودیە، کە لە مەککەیە و، ئەمڕۆ سێشەممە، لە تویتەرەکەیاندا نووسیویانە: “مردنێکی مێشک لە شاری پزیشکیەکەیان، 5کەسی نەخۆشی مەترسیدار ڕزگار دەکات”.
ئەو ڕوونی کردەوە کە ئەو دۆسیانەی ڕزگارکراون بریتی بوون لە:
چاندنی دڵ بۆ کچێکی تەمەن 10 ساڵ
چاندنی گورچیلەی ڕاست بۆ منداڵێکی تەمەن 14 ساڵ.
چاندنی گورچیلەی چەپ بۆ نەخۆشێکی تەمەن 38 ساڵ
چاندنی جگەر بۆ ژنێکی تەمەن 60 ساڵ
چاندنی سییەکان بۆ کچێکی تەمەن 20 ساڵ
ئەوان ئەوەشیان خستۆتەڕوو، کە چاندنەکانیان دوای دەستنیشانکردنی دۆخی ئەو کەسەی، کە بەنەخۆشی مێشک گیانی لەدەستداوە، پێشتر ڕەزامەندی خۆی و خێزانەکەی دەربڕیوە، کە دوای مردنی ئەندامەکانی جەستەی ببەخشێت.