دیپلۆماتە ئێرانییەکان بەرەبەیانی ئەمڕۆ پێنجشەممە، چەند کاتژمێرێک پێش ئەوەی ئەلبانیا بەجێبهێڵن، بەڵگەنامەکانیان سوتاند، دوای ئەوەی پەیوەندیە دیپلۆماسییەکانی نێوان هەردوو وڵات نەما، بەهۆی ئەوەی کۆماری ئیسلامی لە مانگی تەموزدا، هێرشێکی سایبەری دەستپێکرد.
ئێدی ڕاما سەرۆکوەزیرانی ئەلبانیا، لە ناونیشانێکی ڤیدیۆیی دەگمەندا، دوێنێ چوارشەممە ڕایگەیاند، کە فەرمانی بە دیپلۆماتکار و ستافە ئێرانییەکان کردووە، کە باڵیۆزخانەکە دابخەن و، لە ماوەی 24 کاتژمێردا ئەو وڵاتە جێبهێڵن.
ڕاما وتی، کە هێرشی سایبەر “هەڕەشەی ئیفلیجکردنی خزمەتگوزارییە گشتیەکان، سڕینەوەی سیستمی دیجیتاڵی، هاککردنی تۆماری دەوڵەت، دزینی گونجانەکانی ئەلیکترۆنی حکومەتی ناوخۆ و، ئاژاوە و نائارامی لە وڵاتدا ئەنجام داوە”.
هەروەها واشنتۆن، نزیکترین هاوپەیمانی ئەلبانیا، ئەو هێرشەی خستە ئەستۆی ئێران و بەڵێنی دا، کە ڕێوشوێنی زیاتر بگرێتەبەر بۆ بەرپرسیارکردنی ئێران لە بەرامبەر ئەو کارانەی، کە هەڕەشە لە ئاسایشی هاوپەیمانێکی ئەمەریکا دەکەن.
ئەدرین واتسۆن وتەبێژی ئەنجومەنی ئاسایشی نەتەوەیی لە لێدوانێکدا ڕایگەیاند، کە هاوپەیمانەکانی ناتۆ بڕیاری سیادی خۆیان دەدەن، لەوانەشە ئەگەری چالاککردنی ماددەی پێنجەم لە پەیمانی ناتۆدا.
لە ماددەی پێنجەمدا هاتووە، کە هەر هێرشێکی چەکداری دژی یەک، یا زیاتر لە ئەندامانی هاوپەیمانی، لە ئەوروپا، یا ئەمەریکای باکوور، دەستدرێژییە بۆ سەر هەموویان.
هەمان ئەو پۆستەیە کە لەلایەن وەزارەتی دەرەوەی بەریتانیاوە ڕاگەیەنراوە کە دەڵێت ئەو هێرشی سایبەرە “قبوڵنەکراوە” و تاران بەرپرسیار دەبێت لە کارەکانی.
تاران بە توندی ئیدانەی بڕیارەکەی تیرانای کرد بۆ پچڕاندنی پەیوەندییە دیپلۆماسییەکان و، پاساوەکانی ئەلبانیا بۆ جوڵاندنی بانگەشەی بێبنەما ناوبرد.
پەیوەندییەکانی نێوان ئەلبانیا و ئێران، لە ساڵی 2014ەوە تەنگەتاو بووە، کە ئەلبانیا نزیکەی 3000 ئەندامی ڕێکخراوی موجاهیدینی خەڵکی بەرهەڵستکاری ئێرانیان پێگەیشت بۆ تاراوگە، کە لە کامپێکی نزیک دورێسی بەندەری سەرەکی ئەو وڵاتە نیشتەجێ بوون.
چەند ڕۆژێک دوای هێرشی سایبەر، میدیاکانی ترانا ڕایانگەیاند، کە هاککەرەکان داتای تایبەتی ئەندامانی ئۆپۆزسیۆنیان بڵاوکردۆتەوە، کە لەسەر کۆمپیوتەرەکانی حکومەت لە ئەلبانیا هەڵگیراون.