بەگوێرەی هەواڵێكی “پشتینیوز”، كە پێگەیەكی ئەلیكترۆنییە و كار لەسەر كەیسی پەنابەرانی كورد دەكات، کۆچبەرێکی کوردی رۆژئاوای کوردستان، لە رێگەی نێوان یۆنان و تورکیا گیانی لە دەستداوە.
فارس سولەیمانی تەمەنی 44 ساڵ، دوای ئەوەی ماوەیەكی زۆر لەڕێگەی نێوان یۆنان و توركیا بێسەروشوێن دەبێت و لەلایەن قاچاخچییەكەوە جێدەهێڵرێت، دوای ئەوەی ماوەیەكی زۆر لەنێوان سنووری ئەو دوو وڵاتە دەمێنێتەوە و گیان لە دەست دەدا.
جێی باسە، راپۆرتی پزیشكی دادی ئاماژەی بەوە داوە، كە ناوبراو بەهۆی ماندوێتی زۆرەوە جەڵتە لێی داوە و گیانی لە دەستداوە.