بەگوێرەی زانیارییەکانی وەزارەتی پەنابەرانی یۆنان، 92 کۆچبەر بە هاوکاری هێزی سەربازی تورکیا و، بە بەکارهێنانی ئوتۆمبێلی سەربازی ئەو وڵاتە، گواستراونەتەوە بۆ سەر خاڵە سنوورییەکانی یۆنان و، لە سەر ڕووبارەکە هەموویان ڕووت کردوونەتەوە و، پاشان بە چووپ ڕەوانەی ناو خاکی یۆنانیان کردوون.
وەزیری پەنابەرانی یۆنان، نۆتیس میتاراکیس، بە توندی ئەو کارەی ئیدانە کرد و گوتی: تورکیا بە بەردەوامی کۆچبەران بۆ مەرامی خۆی بەکار دەهێنێت و، مافی مرۆڤ پێشێل دەکات.
پۆلیسی سەر سنووری یۆنانیش ڕایگەیاند: ڕۆژی 14/10/2022 بەرەبەیانییەکەی لە ناوچەی فێرێس، (Ferres) 92 کۆچبەر لەلایەن پاسەوانانی سەر سنووری یۆنان و، هێزی Frontex دۆزرانەوە، کە هەموویان ڕووت بوون و جلو بەرگیان لەبەرنەبووە و، هەندێکیشیان توندوتیژیان بەرامبەر ئەجامدرابوون، وەک خۆیان گوتیان، هێزی سەربازی تورکیا ئەوانی ڕووت کردەوەتەوە و پاشان بە چووپ ڕەوانەی ناو خاکی یۆنانیان کردوون.