ئیلناز ڕکابی شاخەوانی ئێرانی، ئەمڕۆ چوارشەممە گەڕایەوە ئێران، ئەوەش دوای ئەوەی بەبێ سەرپۆش لە پێشبڕکێیەکی ئاسیا لە کۆریای باشوور بەشداری کرد، لە بەرامبەر ئەو کۆدە جلانەی کە ژنانی ئێرانی دەبێت پابەند بن بە بەشداری کردن لە پێشبڕکێیە دەرەکییەکاندا، بەڵام ئەو پابەند نەبووە، “من بە سەلامەتی گەڕاومەتەوە بۆ ئێران، لە تەندروستییەکی باش و بەپێی خشتەی پێشوەختە داوای لێبوردن لە خەڵکی ئێران دەکەم بۆ ئەو تەنگژەیەی دروستم کردووە”.
ئیلناز ڕکابی شاخەوانی ئێرانی، کە تەمەنی 33 ساڵە، لە بەرەبەیانی ڕۆژی چوارشەممە گەڕایەوە بۆ تاران، ئەو گرتە ڤیدیۆیەی لە تەلەڤزیۆنی دەوڵەتی ئێران بڵاوکراوەتەوە، دوای ئەوەی بە بێ سەرپۆش بەشداری لە پێشبڕکێیەکی ئاسیاییدا کە لە کۆریای باشوور بەڕێوەدەچوو کرد.
ڤیدیۆیەک کە ڕۆژنامەی شەرق لڕێگەی تەلگرامەوە بڵاو کراوەتەوە، دەیان کەسی لە دەرەوەی بینای گەیشتنەکە کۆبوونەوە و گۆرانی و چەپڵەیان لێداون، ئەوان بە مینی پاسێک و ئۆتۆمبێلێک دەورەدراون کە ڕکابی و ئەندامانی تری تیمەکە، کە لە پێشبڕکێی سەرکەوتن بە شاخدا بەشدارن، دەردەکەون.
“من بە سەلامەتی گەڕاومەتەوە بۆ ئێران، لە تەندروستییەکی باش و بەپێی خشتەی پێشوەختە داوای لێبوردن لە خەڵکی ئێران دەکەم بەهۆی ئەو گرژی و ئاڵۆزییەی دروستمکردووە” جەختیشیکردەوە کە “نیازی نییە تیمی نیشتمانی بەجێبهێڵێت”.
لەناو بینای فڕۆکەخانەی نێودەوڵەتی ئیمام خومەینی دەرکەوت، کە چاکەتێکی ڕەشی لەبەربوو و، کڵاوێکی لەسەر بوو، دوای ئەوەی لەلایەن ئەندامانی خێزانەکەیەوە پێشوازیکرا، بە دەمامکێکی پزیشکییەوە قسەی بۆ میدیاکانی دەوڵەت کرد.
سەرپۆشنەکردنی ئیلناز لە کاتی ئەنجامدانی وەرزشەکەی لە کۆریا، وەک هەنگاوێک بۆ پەسەندکردنی ناڕەزاییەکانی ئێران لێکدرایەوە، کە ماوەی مانگێکە لە دوای شەهیدکردنی کچە گەنجێکی کورد بە ناوی ژینا ئەمینی، دوای ئەوەی لەلایەن پۆلیسی بە ناو ڕەوشتەوە دەستگیرکرا، چەندین شار و شارۆچکەی رۆژهەڵاتی کوردستان و ئێرانی گرتۆتەوە.
ئیلناز دەڵێ، “بەهۆی ئەو کەش و هەوایەی لە کۆتایی پێشبڕکێکە و بانگهێشتە چاوەڕواننەکراوەکەی من بۆ دەستکردن بە بەشداریکردنم، بە کەرەستە تەکنیکییەکانی خۆم نەگەیشتم، ئەوەش بەهۆی سەر لێ شێواویم، ئەمەش وای لێکردم لە مەسەلەی حیجاب بێئاگا بم کە دەبوو بیخەمە سەر”.
لێدوانەکان هاوشێوەی ئەو شتە بوو کە ڕۆژی سێشەممە لە لاپەڕەی ئینستاگرامەکەی ڕکابی بڵاوکراوەتەوە، لەو شوێنەی کە داوای لێبوردنی کرد لە دەقێکی نووسراودا بۆ ئەو “نیگەرانییە” کە بووە هۆی و دووپاتی کردەوە کە دەرکەوتە زەقەکەی “بێ مەبەست” بووە.