لەم ڕۆژانەی دوایدا، ٦ مێرمنداڵی کچی خەڵکی جوانڕۆی سەر بە پارێزگای کرماشان، بە نێوەکانی کیمیا عەلی مورادی، سەندووس یەعقووبی، هێرۆ نووری، ئێلینا ڕەنجبەر، ڕەها سەبووری و سارا کەرەمی، لەلایەن هێزە ئەمنییەکانەوە ڕفێندراون.
بەگوێرەی هەواڵی ڕێکخراوی مافی مرۆڤی هەنگاو، کیمیا عەلی مورادی، سەندووس یەعقووبی، هێرۆ نووری، ئێلینا ڕەنجبەر، ڕەها سەبووری سارا کەرەمی کە هەموویان تەمەنیان ١٧ ساڵە، لەم ڕۆژانەی دواییدا دوای هێرشی هێزە حکومییەکان بۆ سەر یەکێ لە قوتابخانە دواناوەندییەکانی کچان لە جوانڕۆ، دەستگیرکراون.
جێی باسە، هەتا کاتی بڵاوکردنەوەی ئەم هەواڵە، هیچ زانیارییەک لەسەر چارەنووس و شوێنی دەستگیرکرانی ئەو شەش کچە مێرمنداڵە لەبەردەستدا نییە.