ئەمڕۆ یەکشەممە رێککەوتی 23ی10ی2022، تاهیر هەورامی بەرپرسی دیسکی رەوەندی کوردستانی لە بارەگای بارزانی، بە ئامادەبوونی موزەفەر ئەحمەد ئەندامی ناوەندی رەوەندی کوردستانی، پێشوازی لە ئاشتی گەرمیانی مامۆستا و شێوەکاری دیاری کوردستان کرد ، کە ماوەیەکە بەمەبەستی ئەنجامدانی چەند پڕۆژەیەکی هونەری شێوەکاری هاوبەش، لەگەڵ ناوەندی رەوەندی کوردستانی، لە وڵاتی هۆڵەنداوە بۆ هەرێمی کوردستان گەڕاوەتەوە.
لەمیانەی دانیشتنێکدا، باس لە پڕۆژە هاوبەشەکانی لەگەڵ ناوەندی رەوەندی کوردستانی کرا، هاوکات بەرنامە و پلانی هاوبەشیان بۆ چەند کارێک، گفتگۆ کرا و، بیر و بۆچوونی هەردوولا ئاڵوگۆڕکران.