کۆمەڵێک لە چالاکوانانی مافی مرۆڤ و ئافرەتان وڕێکخراوە جیاجیاکانی کۆمەڵگەی مەدەنی و لایەنە سیاسییەکانی ڕۆژهەڵاتی کوردستان داوا لە کوردستانیانی دیاسپۆرا دەکەن بەشداری ڕێپێوانی پشتگیری گەلانی ڕاپەڕیوی ڕۆژهەڵاتی کوردستان و ئێران بکەن
دەقی بانگەوازەکە :-
ئەم کاتەی شۆڕش و راپەڕینتان باش
هەروەک ئاگادارن نزیک بە دوومانگە نەتەوەکەمان لە رۆژهەڵاتی کوردستان دژی دەسەڵاتی کۆماری ئیسلامی ئێران راپەڕیون و بە خوێنی خۆیان بەرگریی و پێداگریی لە مافی رەوای گەلەکەمان دەکەن و رووبەڕووی دڕندەترین هێرش و پەلامار و توندوتیژی لە لایەن هێزە تێرۆریست و سەرکوتکەرەکانی رژێم بوونەتەوە؛ هەر بۆیە ئێمە وەک کۆمەڵێک لە چالاکانی مافەکانی مرۆڤ بانگهێشتی هەموو کوردستانیانی دیاسپۆرا و لایەنە سیاسیی و کۆمەڵایەتییەکان، بنەماڵەی پەلکەزێڕینە، چالاکانی مافی مرۆڤ و ژنان ، رێکخراوە جۆراوجۆرەکانی نەتەوە بندەستەکانی ئێران و بەتایبەتی چالاکانی مافەکانی ژنان دەکەین، کە رۆژی 26.11.2022 هاوکات لەگەڵ ساڵیادی یادکردنەوەی رۆژی جیهانی نەهێشتنی توندوتیژی دژی ژنان و بۆ مەحکووم کردنی کردەوە تێرۆریستییەکانی رژێمی ئێران، بەشداریی لە خۆپیشاندانی کوردستانیانی شاری کۆڵنی ئاڵمان بکەن.
داوا لە هەموو یەکسانیخوازان لە وڵاتانی ئەوروپا بە تایبەتی دانیشتوانی وڵاتی ئاڵمان دەکەین، بە بەشدارییان و بە هێنانی ئاڵای کوردستان و بە درووشمی ژن، ژیان، ئازادی حەماسەیەکیتر لە شاری کۆڵن بخۆڵقێنن.
شوێنی خۆپێشاندان:
Deutzer Werft 50679, Köln
کاتژمێر: 14:00
نەسرەوتن تا سەرکەوتن✌️
