ئەمڕۆ پێنجشەممەی یەکەم مانگی کانوونی یەکەمی 2022، ملیاردێری ئەمەریکی و خاوەنی تۆڕی تویتەر ئیلیۆن ماسک ڕایگەیاند، کە دەستیان کردووە بە سڕینەوەی سەرجەم ئەکاونتە ساختەکانی تویتەر.
ماسک لە تویتەرێکیدا لەسەر هەژماری فەرمی خۆی گوتی: “لە ئێستادا تویتەر دەستی کردووە بە سڕینەوەی ژمارەیەکی زۆر لە هەژماری ساختە، بۆیە ڕەنگە کەمبوونەوەی ژمارەی شوێنکەوتووان ببینیت.
ماسک گوتی ژمارەی ئەو کەسانەی کە وەک بەکارهێنەری نوێ تۆماریان کردووە لە سەکۆی تۆڕە کۆمەڵایەتییەکانیدا، لە ئاستێکی بەرزدا بووە، لەکاتێکدا ڕووبەڕووی دەرچوونێکی بەکۆمەڵی ڕیکلامکەران و بەکارهێنەران بووەوە.