بە چەقۆ هێرش دەکرێتە سەر دوو کچە قوتابی تەمەن 13 ساڵ و 14 ساڵ و، لە ئاکامدا بە سەختی بریندار بوون.
ڕۆژنامەی بێڵدی ئەڵمانی بڵاویکردۆتەوە، کە بەیانی ئەمڕۆ دووشەممە، پیاوێک بە چەقۆوە هێرشی کردۆتە سەر خوێندکارانی سەرەتایی، کە لە ڕێگادا بوون بۆ قوتابخانەکەیان و دوو قوتابی بە سەختی بریندار بوون.
جێی باسە، منداڵە بریندارەکان گەیەندراونەتە نەخۆشخانە و، هێرشبەرەکەش دوای هەڵاتنی بۆ باڵەخانەیەک، پۆلیس دەستگیری کردووە، بەڵام هیچ زانیارییەکی لەسەر نەتەوە و ئایین و تەمەنی کەسە هێرشبەرەکە بڵاو نەکردۆتەوە.