تیمەکانی رزگارکردنی قوبرس، توانیان 13 کۆچبەر لە باشووری ڕۆژهەڵاتی دوورگەکە ڕزگار بکەن، کە لەسەر بەلەمێک بوون و کێشەی گواستنەوەیان هەبووە.
دەستەڵاتدارانی قوبرسی، ڕزگارکردنی 13 کۆچبەریان ڕاگەیاند، کە لەسەر بەلەمێک بوون لە دوورگەی کەیپ گریکۆی باشووری ڕۆژهەڵاتی دوورگەکە، کە بەلەمەکەیان لەکار کەوتووە و مەترسی نوقمبوونیان لەسەر بووە.
لە راگەیەندراوەکەی دەستەڵاتداراندا هاتووە، شۆفێری بەلەمەکەش، کە تەمەن 24 ساڵە، بە تۆمەتی قاچاخچێتی بە مرۆڤەوە دەستگیرکراوە.
جێی باسە، دەستەڵاتداران هیچ وردەکارییەکیان لەبارەی ناسنامەی ئەو کۆچبەرانەوە ئاشکرا نەکردووە.