ئەمڕۆ ٧/١٢/٢٠٢٢ لە ڕێوڕسمێکی شایستەدا، فیلمی دیکۆمێنتاری (بۆچی ڕیفڕاندۆم) لە هۆتێل ڕۆتانای هەولێری پایتەختی هەرێمی کوردستان نمایشکرا، کە لەلایەن ناوەندی ڕەوەندی کوردستانی و، دەزگای نێودەوڵەتی پێشمەرگە بۆ کاری مرۆیی بەرهەم هێندرابوو.
رۆژی چوارشەممە، رێککەوتی ٧/١٢/٢٠٢٢ بە ئامادەبوونی ڕزگار شێخ عەلی بەرپرسی ناوەندی ڕەوەندی کوردستانی-لەندەن و، خاتوو کلارا ئەمین بەرپرسی ئافرەتانی ناوەندەکە و، چەند نوێنەرێکی سەرۆکایەتی هەرێمی کوردستان و، چەند ئەندامێکی مەکتەبی سیاسی، وە بنەماڵەی سەربەرزی شەهید و ئەنفالکراوان و پێشمەرگە و سیاسەتمەداران، رێوڕەسمی نمایشکردنی فیلمی دیکۆمێنتاری (بۆچی ریفراندۆم) لە هۆتێل رۆتانا نمایشکرا.
جێی باسە، دواتر لەلایەن ڕزگار شێخ عەلی، خەڵاتی ڕێزلێنان بەسەر ئامادەبووان و پێشمەرگە دێرینەکان و، کەسوکاری شەهیدان و ئەنفالکراوان دابەشکرا.
