دوو ڕێکخراوی هاوکاری ئەڵمانی لە دوو ئۆپەراسیۆنی جیادا، 90 کۆچبەریان لەنێو بەلەمی لاستیکیدا ڕزگارکردووە، کە نزیکبوون لە نقومبوون و خنکان.
بەگوێرەی هەواڵی دی دەبلیووی ئەڵمانی، ڕێکخراوە ناحکومییەکانی ڕیگنسبێرگ، رۆژی شەممە، رێککەوتی (17ی کانوونی یەکەمی 2022)، 63 کۆچبەریان لە دەریای ناوەڕاست ڕزگار کردووە، هەر لەو رۆژەشدا و لە ئەرکێکی دیکەدا، 27 کۆچبەری سورییان ڕزگار کردووە و، بردوویاننەتە نێو کەشتی میشن لایفلاین.
چەند ڕۆژێک پێش ئێستا ئەندامانی یاریدەدەرانی ئەو دوو ڕێکخراوە خۆبەخشە گەیشتنە ناوچەی ئۆپەراسیۆنەکانیان لە کەناراوەکانی تونس و لیبیا.
کۆچبەران کەناری باکووری ئەفریقا جێدەهێڵن و، بەزۆری بەلەمی ناشایستە بۆ گەیشتن بەخاکی یەکێتی ئەوروپا بەکاردێنن و، دەیانەوێت لەڕێگەی دەریاوە و بە مەترسی وەرزی زستان، کە کەشوهەوا سەخت و خراپە دەریا ببڕن.
زۆربەی ئەو کۆچبەرانە ڕوو لە ئیتالیا دەکەن، وەزارەتی ناوخۆ گوتی زیاتر لە 98 هەزار و 700 کۆچبەر، بەس لە ئەمساڵدا بە بەلەم گەیشتوون.
جێی باسە، بەگوێرەی ئاماری نەتەوە یەکگرتووەکان، بەس لەمساڵدا زیاتر لە 1360 کەس لە دەریای سپی ناوەڕاستدا گیانیان لەدەستداوە، یا بێسەروشوێن بوون.