4 کەس لە ڕووداوێکی ترسناکی ئوتۆمبێلێکدا ڕزگاریان بوو، دوای ئەوەی لە بەرزایی نزیکەی 76 مەترەوە کەوتنەخوارەوە.
سی ئێن ئێن گوتی، ڕووداوەکە لە ناوچەی “کلیفەکەی شەیتان” نزیکەی 38 کیلۆمەتر لە باشووری سان فرانسیسکۆ، لەسەر ڕێگایەکی هاوتەریب لەگەڵ کەناری هێمن روویداوە.
برایان پۆتینگەر، بەرپرسی پاراستنی سڤیلی ناوچەکە، وتی: ئێمە زۆر شۆک بووین بۆ زانینی ئەوەی کە گەشتیارەکان ڕزگاریان بووە.
پۆتینگەر بە سی ئێن ئێنی وت: “رووداوەکانی سەر ئەم لێوارە شتێکی ئاسایی نین. شتێکی دەگمەن ئەوەیە کە کەسێک لەم جۆرە ڕووداوە ڕزگاری بێت.
بەگوێرەی هەواڵێکی تۆڕی هەواڵ، تێسلا بەبێ هیچ هۆکارێکی دیار لە ڕێگاکەی دەرنەچووە، لە کاتێکدا بەرپرسان پێیانوایە شۆفێری خۆبەڕێوەبەری لە کاتی ڕووداوەکەدا چالاک نەکراوە.
ئەو چوار سەرنشینە هۆشیار بوون کاتێک لەلایەن ڕزگارکەرانی بەشی ئاگرکوژێنەوە گەیشتبوون، کە گوریسیان بەکارهێناوە بۆ بەرزکردنەوەیان و، پاشان بە هەلیکۆپتەرێک بردیانن بۆ نەخۆشخانە.
بەپێی راگەیەندراوی بنکەی پۆلیس، ژن و پیاوەکە بریندارییەکی کەمیان هەبووە و، منداڵەکانیش بێ ئازارن.