چەند کۆچبەرێک کە لە بارهەڵگرێکدا خۆیان حەشاردابوو بەمەبەستی گەیشتن بە وڵاتانی یەکێتی ئەوروپا، لە نزیک سۆفیای پایتەختی بوڵگاریا گیانیان لەدەستدا.
وەزارەتی ناوخۆی بوڵگاریا ڕایگەیاند، کە دوێنێ هەینی، لە نزیک سۆفیای پایتەختی وڵاتەکەیان، 18 کۆچبەریان لە بارهەڵگرێکدا بە مردوویی دۆزیوەتەوە.
بەگوێرەی زانیارییە سەرەتاییەکان، بارهەڵگرەکە بە نایاسایی نزیکەی 40 کۆچبەری تێدابووە، کە لەژێر هەندێ داردا حەشاردرابوون و، 18 کەسیان مردوون و چەند بریندارێکیش هەن، کە بە هۆی نەمانی ئۆکسجینەوە بووە.