ناوەندی ڕەوەندی کوردستانی-بێرمینگهام لە بانگەوازێکدا کەمپینی کۆکردنەوەی کۆمەک و هاوکاری بۆ زیانلێکەوتووانی بومەلەرزەکەی ڕۆژئاوا و باکووری کوردستانی ڕاگەیاندووە و، داوا لە کوردستانیانی بەریتانیا بەگشتی و، بەتایبەت کوردستانیانی بێرمینگهام و دەووروبەری دەکات، وەک ئەرکێکی نیشتمانی و مرۆیی بەدەم بانگەوازەکەیانەوە بچن .
دەقی بانگەوازەکەیە:
هاوڕێیانی ئازیز
کورستانیانی تاراوگەی خۆشەویست لەهەر شوێنێکی بەریتانیا و بەتایبەتی بێرمینگهام و دەووروبەری .
ناوەندی ڕەندی کوردستانی-بێرمینگهام هەڵدەستێت بە کۆکردنەوەی کۆمەک و هاوکاری بۆ زیانلێکەوتوانی بومەلەرزەکەی باکوور و رۆژئاوای کوردستان.
بۆیە داواکارین بەدەنگ بانگەوازەکەمانەوە بێن و بەهەر شێوەیەک بێت بتوانن هاوکارمان بن و، کۆمەک کۆبکەنەوە بۆ خوشک و براکانمان کە لەم ڕۆژە سەخت و دژوارەدا پێویستیان بە هاوکاری ئێمەیە.
کۆمەک دەتوانرێت بە پارە بێت و بنێردرێت بۆ ئەو هەژمارە بانکییانەی سەر وێنەکە، ئەو بابەتانەی تریش کە زۆر گرینگن
- جلوبەرگ بۆ هەموو تەمەنێک
- شیری قتووی منداڵ
-دایبی منداڵ
-بەتانی گەورە و بچووک
-پێڵاو بۆ هەموو تەمەنێک
- خواردنی وشکە و لە قتوونراو
-خێمە
تێبینی: حکومەتی تورکیا لەبەر باری تەندروستی ڕێگە نادات جلوبەرگ و پۆشاکی دەستی دوو بنێردرێت، بەڵام ئێمە ئەو جۆرە شتانە ئەنێرین بۆ ڕۆژئاوا.
ئەزیزان تکایە بەسنگێکی فراوانەوە بەدەنگمانەوە وەرن، دڵنیابن کۆمەکەکانتان لەدەستێکی ئەمیندایە و دەگاتە شوێنی مەبەست.
خوای گەورە پاداشتی چاکە و خێرەکانتان بداتەوە .
