میدیا خۆجێییەکانی بەلجیکا ڕایانگەیاندووە، کە پەنابەرێک لە باشوری ڕۆژئاوای شاری مۆسکرۆنی ئەو وڵاتە، کچەکەی خۆی بە چەقۆ کوشتووە.
سەرچاوەکان دەڵێن باوکەکە تەمەنی 55 ساڵە و لە پشتەوە بە چەقۆ کچە 28 ساڵانەکەی کوشتووە.
پۆلیس بەتۆمەتی کوشتنی کچەکەی، باوکەکەی دەستگیرکردووە، بەگوێرەی سەرچاوەکان پیاوەکە یاریزانی پێشووی تۆپی پێیە و بەدەست ئالوودەبوونی کحولەوە دەناڵێنێت.
بەگوێرەی سەرچاوە میدیاییەکانی بەلجیکی، ئەو خێزانە لە بنەڕەتدا ئەرمەنیین و، ماوەیەکی زۆرە لەو ماڵەدا دەژین، هاوکات دراوسێکانی خێزانەکە، دووپاتی دەکەنەوە کە پێشتر هیچ جۆرە بێزارییەکیان نەکردووە.