بەگوێرەی زانیارییە فەرمییەکانی وەزارەتی ناوخۆی ئیسپانیا، ڕێژەی کۆچی نایاسایی بۆ وڵاتەکەیان بە ڕێژەی 51٪ کەمی کردووە.
ئەم کەمبوونەوەیە بەشێوەیەکی بەرچاو لە کۆچکردنی نایاسایی بۆ ئیسپانیا، ساڵێک دوای دەستپێکردنەوەی پەیوەندییە دیپلۆماسییەکانی نێوان ڕەبات و مەدرید دێت.
بەپێی زانیارییەکان، ئەو کۆچبەرە نایاساییانەی کە لە سێ مانگی یەکەمی ئەمساڵدا توانیویانە بگەنە خاکی ئیسپانیا، چ لەڕێگەی دەریاوە بێت، یا وشکانی، نیوەی ئەو کۆچبەرانە پێکدەهێنن کە لە هەمان ماوەی ساڵی ڕابردوودا گەیشتوون، بە ڕێژەی 4،287 کۆچبەر بە بەراورد بە 8،727 کۆچبەر.