ڕاپۆرتێکی کۆمپانیای Aftonbladet ئاشکرای کردووە، کە ماڵپەڕەکانی وەک Pornhub و Youporn لە نزیکەوە چاودێری بەکارهێنەران و شوێنپێی دیجیتاڵی دەکەن، جا بەکارهێنەرەکە وەک بەکارهێنەرێکی ئاسایی بێت، یا بەکارهێنەرێکی هاوبەش بێت.
ڕۆژنامەکە خۆی تۆمارکردووە وەک کڕیارێکی شاراوەی ڕیکلامێک لە ماڵپەڕێکی سێکسدا، بۆ ئەوەی ببینێت، کە چۆن دەتوانن شوێن میوانەکانیان بکەون و چاودێرییان بکەن.
بەگوێرەی ڕاپۆرتەکە، ماڵپەڕەکانی وەک Pornhub، کە پلاتفۆرمێکە لە هەندێ وڵاتدا ڕۆژانە زیاتر لە ماڵپەڕەکانی هەواڵ و تویتەر و نێتفلیکس بینەری هەیە، هەندێکجار ڕاپۆرت دەربارەی ئارەزوو و نەریتەکانی سەردانیکەران لە بەشە جیاوازەکانی جیهاندا بڵاودەکەنەوە.
ڕۆژنامەنووس سباستیان مینیک کە لێکۆڵینەوەی لەسەر کردووە دەڵێ، ماڵپەڕەکان ئەو شتانە دەفرۆشن کە بەرژەوەندی سێکسی پێکدێنن بە سەردانیکەران و، بەشێوەیەکی ئۆتۆماتیکی زانیاری کۆدەکەنەوە کە دەتوانن بە تێپەڕبوونی کات بەدوای بەکارهێنەراندا بگەڕێن.
هەروەها کاتێک Aftonbladet پرۆفایلێکی تاقیکردنەوەی دروستکرد بۆ ئەوەی بزانێت چۆن ڕیکلامی دیاریکراو بۆ بەکاربەرانی سویدی بکڕێت، دەرکەوت کە هەمان ئەنجامەکان نیشان دراون.
بەگوێرەی ڕاپۆرتەکە، زۆرێک لە گەورەترین ماڵپەڕەکانی جیهان (Pornhub، Youporn، Redtube و Mydirtyhobby) لەلایەن هەمان کۆمپانیای میندیکەوە خاوەندارێتی دەکرێن. کۆمپانیاکە خۆی لە ماڵپەڕەکەی خۆیدا وەک کۆمپانیایەکی پێشەنگی جیهانی بۆ زانیاری پێشکەش دەکات، کە ڕۆژانە زیاتر لە 115 ملیۆن سەردانیکەری هەیە و، زیاتر لە 3 ملیار ڕیکلام دەبینێت، لە شەش ئۆفیسی جیهاندا زیاتر لە هەزار کارمەندیان هەیە.
راکێشانی ڕیکلامکارەکان
بەڵام کاتێک کۆمپانیایەک لە لاپەڕەی ڕێکلامکردنی Trafficjunky ئەو جۆرە کلیلەوشە نیشان دەدا، کە بەهۆیەوە میوانەکانی ڕیز دەکات، چەند وشەیەک دەردەکەون کە بەکاردێن بۆ ڕاکێشانی ڕیکلامکارەکان و سەردانکەران وەک، کڕیارەکانت لەسەر پۆڕنهوبن، کەواتە بۆچی ڕیکلامەکەت لەوێ نادۆزیتەوە؟ دەتوانیت بینەری ئامانجەکەت بدۆزیتەوە لەسەر بنەمای تەمەنیان، یا ڕەگەزیان، لە کوێن و بەدوای چیدا دەگەڕێیت؟
ڕاپۆرتەکە ڕوونی دەکاتەوە کە چۆن کۆمپانیاکان دەتوانن ئەو کەسانە بدۆزنەوە کە بەدوای سێکسدا دەگەڕێن لەگەڵ “ژنێکی پێگەیشتوو”، “ژنێکی بەتەمەن” یان “ژنێکی بەتەمەن کە سنگی گەورەی هەیە”، بۆ ئەوەی بگاتە جۆرێکی دیاریکراو لە کڕیارە شیاوەکان.
کۆکردنه وه ی زانیاری له سه ر میوانه کان
ئەم ماڵپەڕانە هەروەها دەتوانن زانیاری دەربارەی ئەو ئامێرە تەکنیکییانەی سەردانیکەران بەکاریان دەهێنن کۆبکاتەوە، ئەو ناونیشانانەی کە بەدوایدا دەگەڕێن، بەشداریکردن لە ئینتەرنێت، کارپێکەرانی مۆبایل، یان ئەو وێبگەڕانەی بەکاریان دەهێنن، هەروەها ئەگەر تۆ وەک ڕیکلامکارێک دەتەوێت ڕیکلامەکان تەنیا لە شەودا دەرکەون، لەو شوێنەی کە دەکرێت ئەمە ڕێکبخەیت، ئەمەش بەو مانایە دێت کە ڕیکلامکار دەتوانێت بە ئاسانی بکاتە ئامانج، بۆ نموونه:
Trafficjunky ڕوونی دەکاتەوە کە ڕیکلامکەرە سەرەکییەکان لە ماڵپەڕەکانی کۆمپانیاکەدا ژوان و ڕابواردنی پێگەیشتووان و تەندروستی و قومارکردن و گازینۆی ئۆنلاینن، هەروەها براندی گەورەی وەک یونیڤەرساڵ میوزیک گرووپ، کۆمپانیای یاریکردنی Bet365 و براندی کۆندۆم Durex دەگرێتەوە.
بەگوێرەی ڕاپۆرتەکە، دەکرێت شوێن نەریتەکانی بەکارهێنانی سەردانکەران بکەون بۆ ماوەیەکی درێژتر، تەنانەت ئەگەر مێژووی سەردانەکەش بسڕنەوە و گەڕانی نەناسراو بەکاربهێنن.
بۆ نموونە، کاتێ سەردانکەرێک دەچێتە ناو ماڵپەڕێکەوە، بڕێکی زۆر زانیاری دەگوازرێتەوە، وەک ناونیشانی IP، بڕی ئەو پاترییەی کە لە مۆبایلەکە، یا کۆمپیوتەرەکەدا ماوەتەوە، ئەو وێبگەڕەی کە بەکاری دەهێنێت، ئەو ناوچەیەی کە تێیدایت، بەرنامەکانی دیکە کە دایبەزاندوون، هتد.
ئەم ماڵپەڕانە، ئەگەر خاڵی زانیاری پێویست کۆبکەنەوە، هەروەها دەتوانن شوێنپێیەکی دیجیتاڵی لەسەر سەردانکەران دروست بکەن.
ئەو زانیارییانەی کە لە ڕاپۆرتەکەدا کۆکراونەتەوە، پەیوەندییان بەوەوە هەیە کە بەکارهێنەران بۆ ماوەی چەند سەیری ڤیدیۆی جیاواز دەکەن، یا لە لاپەڕەیەکی دیاریکراودا دەمێننەوە.
بەپێی هەندێک لە ئامارەکانی پێشوو، تەنیا لەسەدا 17 ی هەموو ماڵپەڕەکان لەساڵی 2018 دا ئەوەیان هەبووە، کە پێی دەوترێت ئاسایشی https کە پارێزگاری لە بەکارهێنەرانی ISP دەکات لەوەی بتوانن تەواوی ئەو ناونیشانانە ببینن کە بەکارهێنەران سەردانی دەکەن.
Aftonbladet هەوڵیدا قسە لەگەڵ بەرپرسانی پۆرنهوب بکات، بەڵام ڕەتیان کردەوە چاوپێکەوتنیان لەگەڵ بکرێت.
بەڕێوەبەرایەتی ڕاگەیاندنی ماڵپەڕەکە بە ئیمەیلێک نووسیویەتی: “ئێمە زانیاری تایبەتی بەکارهێنەر کۆ ناکەینەوە، ئەو زانیاریانەی کە تۆ ئاماژەیان پێدەکەیت نەناسراون و هەندێک جار لە Google Analyticsەوە دێن.”
لەگەڵ ئەوەشدا، لە ماڵپەڕی Pornhub، بەشێکی تەواو هەیە دەربارەی جۆری زانیاری کۆکراوە دەربارەی سەردانکەران بە دوو ڕێگا، ڕاستەوخۆ لە سەردانیکەر، یا لەڕێگەی تەکنەلۆژیای ئۆتۆماتیکی.
زانیاری کۆکراوە لەلایەن pornhub
بۆ ئەو کەسانەی کە سەردانی ماڵپەڕەکان دەکەن بەبێ چوونە ژوورەوە، یا ئەوانەی پێیان دەوترێت ‘بەکارهێنەرە تۆمارنەکراوەکان’، ناونیشانی ئیمەیل، یا زانیاری تر لەخۆ دەگرێت، کە تۆ بەشێوەیەکی خۆبەخش لە بەشە دیاریکراوەکاندا پێشکەشمان دەکەیت وەک پێشبڕکێ یان ڕاپرسی.
ئێمە زانیاری کۆ دەکەینەوە دەربارەی چۆنیەتی بەکارهێنانی ماڵپەڕەکانمان، بەرهەمەکان و خزمەتگوزاریەکانمان و کارلێککردن لەگەڵ ناوەڕۆک و ڕیکلامەکانمان، لەوانە ئەو لاپەڕانەی سەردانیان دەکەیت لەسەر ماڵپەڕەکانمان، ئێمە وێبگەڕ و سیستەمی کارپێکردن و زانیاری کۆ دەکەینەوە کە تۆ بەکاریدەهێنیت.
هەروەها ئێمە لە ئینتەرنێتدا ناسنامەکان کۆ دەکەینەوە، بەشێوەیەکی دیاریکراو، ئێمە زانیاری ناونیشانی IP کۆ دەکەینەوە.
هەروەها بۆ ئەو کەسانەی کە دروستکردنی هەژمارێک لەسەر Pornhub و هەڵدەبژێرن، ئەو کەسانەی کە بەرزیان دەکاتەوە بۆ هەژمارێکی پریمیم بۆ ئەوەی بتوانن دەستیان بگات بە ناوەڕۆکی بەردەست لەسەر Pornhub Premium.
ماڵپەڕەکە نووسیویەتی: “ئێمە ناوی بەکارهێنەر، یا ناسنامە و ناونیشانی ئیمەیلی هاوشێوە کۆ دەکەینەوە.”
ئاماژەی بەوەشکردووە، “ئەگەر ئێوە کڕینێک بکەن، یا پارە لە ئێمەوە وەربگرن، ئێمە کارتی پارەدان، یا وردەکاری هەژمار و زانیاری پەیوەندیدار کۆ دەکەینەوە بۆ پرۆسەی پارەدان، هەروەها زانیاری دەربارەی پارەدانەکان لە ئێوە و وردەکاری ئەو بەرهەم و خزمەتگوزارییانە کۆ دەکەینەوە، کە لە ئێمەوە کڕیوتانن، یا وەرتانگرتوون.”
هەروەها دەڵێت: “ئێمە ئەو زانیارییانە کۆ دەکەینەوە کە تۆ پێشکەشی دەکەیت بۆ تایبەتمەندکردنی هەژمارەکەت، یا تایبەتمەندییەکی تایبەت، وەک رێکەوتی لە دایکبوونت، تەمەن، ڕەگەز، بایەخەکانت، پەسەندکراوەکانت، وەڵامەکانی ڕاپرسی، پەسەندکراوەکان لە وەرگرتنی بازاڕکردن لای ئێمە، هەروەها هەر زانیاریەکی دیکە کە بەشێوەیەکی خۆبەخش پێشکەشمان دەکەیت سەبارەت بە ڕێنماییەکانت بۆ تایبەتمەندییەکی دیاریکراو.”
ماڵپەڕەکە هەروەها ڕوونی دەکاتەوە: ئەگەر تۆ هەڵتبژارد بۆ بەشداریکردن لە هەندێ خزمەتگوزاری سەر ماڵپەڕەکە، ئێمە ئەو ناسێنەرانە کۆ دەکەینەوە کە بۆ ئێمە دەنێریت (لەوانە ناسنامەی وێنەی حکومەت و بەڵگەنامەی دیکە)، بۆ ئەوەی یارمەتیمان بدات لە سەلماندنی ناسنامەکەت، هەروەها ئێمە زانیاری بایۆمەتری کۆ دەکەینەوە بۆ پشتڕاستکردنەوەی ئەو پێناسانەی کە پێشکەشمان دەکەن.
ماڵپەڕی pornhub دەڵێت ئەو شوێنانە لە ماڵپەڕەکەی خۆیدا پێشکەش دەکات، کە بەکارهێنەر دەتوانێت زانیاری دەربارەی بڵاو بکاتەوە، پەیوەندی بە کەسانی دیکەوە بکات، ناوەڕۆکی وەک وێنە و ڤیدیۆ و هتد بەرز بکاتەوە و لێدوان لەسەر ماڵپەڕەکە بڵاو بکاتەوە.
بەگوێرەی خزمەتگوزاری سەربەخۆی ئینتەرنێتی GDPR، ماڵپەڕە سێکسییەکان دەتوانن بە ئاسانی زانیاری دەربارەی بەکارهێنەرە تۆمارنەکراوەکانیش کۆبکەنەوە، بە:
– زانیاری پەیوەندی بکە ئەگەر پرسیارنامەیەک پڕدەکەیتەوە بۆ ڕێکلامێک لە ماڵپەڕەکەی.
سەیری مێژوو بکە
– پەیوەندی کردن لەگەڵ ڕیکلامەکان.
ناونیشانی IP.
زانیاری دابینکەری تۆڕ.
زانیاری دەربارەی جۆری کۆمپیوتەر، یا مۆبایل کە بەکارهێنەر بەکاری هێناوە.
هەروەها دەتوانن شوێن ئەو پەڕانە بکەون کە بەکارهێنەر سەردانیان دەکات.
بۆ ئەو بەکارهێنەرانەی کە لەسەر ماڵپەڕەکە خۆیان تۆمارکردووە، دەتوانرێت کۆمەڵێک زانیاری کەسی بەدەست بهێنرێت، وەک:
ئیمەیل
رێکەوتی لە دایکبوون
شوێنی نیشتەجێبوون
سێکس
حەز و ئارەزووەکانت
زانیاری پارەدان- وەک وردەکاری کارت
کارلێککردن لەسەر لاپەڕەی ماڵپەڕەکە، وەک لێدوان لەسەر ڤیدیۆکان
نەتەوەیی
ئارەزووی سێکسی
سەبارەت بەوەی کە ئایا زانیاری تایبەتی بەکارهێنەران لە مەترسی دزەکردندایە، پسپۆڕانی ئەلیکترۆنی دەڵێن، “دەکرێت ڕووبدات”، دزەکردنی زانیاری بەردەوام ڕوودەدات و هاککەرەکان دەتوانن زانیاری کەسی بەدەست بهێنن، کە ماڵپەڕەکە خاوەنیەتی و لەسەر تۆڕی تاریک دەیفرۆشن بۆ ئەوەی لەلایەن فێڵکارانەوە بەکاربهێنرێت، یا تەنانەت یارمەتی دزینی ناسنامەی بەکارهێنەریش بدەن.”