پەنابەرێک زیاتر لە 30 ساڵە، لە ناوچەی فرۆسلۆندای ئێسکیلستونا ژیاوە، بەڵام بیر لەوە دەکاتەوە دوای چەندین جار کوشتن و تەقەکردن لەوێ بڕوات، دەشڵێ کە چیتر ئەم وڵاتە جوانییەکەی جارانی نەماوە.
نیکۆلا میکتچ، پەنابەرێکە و 30 ساڵە لە فرۆسلۆندای سوید دەژیت، ئەو بە تەلەفزیۆنی سویدی وتووە، کەس نازانێت لێرە چی ڕوودەدات، ئەو وڵاتە جوانەی جاران، چیتر بوونی نییە.
شەوی ڕابردوو گەنجێکی تەمەن بیست ساڵی بەهۆی تەقەکردنەوە کوژرا، دوو هەفتە لەمەوبەر، هەر لە ئێسکیلستونا تاوانێکی هاوشێوە روویدابوو، کە گەنجێکی دیکە دوای ئەوەی تەقەی لێکرا، کوژرا.
ئەم شەپۆلە توندوتیژییە گومانی ئەوەی لێدەکرێت پەیوەندی بە شەڕی چەتەکانەوە هەبێت، کە توندوتیژییەکانیان شارە جیاوازەکانی سویدی گرتۆتەوە.