جگەرەی ئەلیکترۆنی قەدەغە دەکرێت
وەزیری تەندروستی دەڵێ، بیر لە قەدەغەکردنی بەکارهێنانی جگەرەی ئەلیکترۆنی دەکەینەوە، بەوپێیەی ئەو جۆرە جگەرەیە، بەتایبەتی لەنێو هەرزەکاراندا بەربڵاوبووە.
فرانسوا برون وەزیری تەندروستی فەرەنسا، دەڵێ من پشتیوانی لە قەدەغەکردنی بەکارهێنانی جگەرەی ئەلکترۆنی دەکەم، چونکە ئەو بەرهەمانە هەندێک لە گەنجانی وڵاتەکەی بەرەو بەکارهێنانی بردووە.
جەختی لەوە کردەوە، کە جگەرەکێشان نەخۆشییەکە و ساڵانە لە فەرەنسا 75 هەزار کەس دەکوژێت، سەرەڕای ئەوەی حکومەتی سەرۆکی فەڕەنسا ئیمانوێل ماکرۆن زۆرینەی پەرلەمانی نییە، بەڵام وەزیرەکان لەگەڵ جێگرەکاندا کاردەکەن بۆ گەیشتن بە ڕێککەوتنێک لەسەر قەدەغەکردنەکە، جەختیشی لەوە کردەوە، کە قەدەغەکردنەکە پێش کۆتایی ئەمساڵ دەبێت.
ئەگەر ئەم قەدەغەکردنە جێبەجێ بکرێت، ئەوا بەشێک دەبێت لە پلانێکی نوێی دژە جگەرەکێشان کە وەزارەتی تەندروستی فەڕەنسا بۆ ماوەی پێنج ساڵی داهاتوو کاری لەسەر دەکات.