پۆلیسی یۆنان دەیان کۆچبەری دەستگیرکرد، کە هەوڵیانداوە لە تورکیاوە بڕۆنە ئەو وڵاتەوە، هاوکات لە نێویاندا ژن و منداڵ هەن.
پۆلیسی یۆنان لە بەیاننامەیەکدا ڕایگەیاند، کە 39 کۆچبەریان دەستگیرکردووە و، لە نێویاندا 15 منداڵ هەن، لەکاتێکدا هەوڵیانداوە لە تورکیاوە بە ڕێگەی ڕووبارەوە بچنە ناو یۆنانەوە.
پۆلیسی یۆنان دەڵێت، گرووپەکە 13 پیاو و 11 ژن و 15 منداڵ بوون.
بەگوێرەی بەیاننامەکە، قاچاخچییەکان کۆچبەرەکانیان بە بەلەمی لاستیک گواستۆتەوە بۆ دوورگەیەکی بچووک لە ناوەڕاستی ڕووبارەکە و، لەوێ بەجێیان هێشتوون.