کاربەدەستانی ئیسپانیا ڕایانگەیاند تۆڕێکیان لە شاری مێلیلا و بەرشەلۆنە و گرانادا دەستگیرکردوون، کە مادەی هۆشبەریان لە هۆڵەنداوە بۆ مەغریب گواستۆتەوە.
بەگوێرەی میدیاکانی ئیسپانیا، ئۆپەراسیۆنی ئاسایش کە بە “بێرگانتس” ناسراوە، 21 کەسیان بە تۆمەتی ساختەکردنی بەڵگەنامە بازرگانی کردن بە مادەی هۆشبەرەوە دەستگیرکردوون و ڕەوانەی دادگا کراون.
ئاماژەی بەوەشکردووە، بەرپرسانی ئاسایش 58 کیلۆگرام کۆکاین و 186 کیلۆگرام حەشیشیان دەستبەسەردا گرتووە، جگە لە 3 ملیۆن یۆرۆ و 38 ئوتۆمبێل و خانووبەرە و 49 هەژماری بانکی.
سەرچاوەکان پشتڕاستیان کردەوە کە تۆڕە تاوانکارییەکە، لەلایەن دوو براوە سەرپەرشتی دەکرێن، یەکێکیان لە مەغریب نیشتەجێیە و ئەوی دیکەیان لە گرانادا نیشتەجێیە، ئەو شوێنەی کە ئەو کەسە لە دەسەڵاتدارانی دادوەری مەغریب هەڵهاتووە بەهۆی سەرکردایەتیکردنی ڕێکخراوێکی بازرگانیکردن بە ماددە هۆشبەرەکانەوە.