دەیان کۆچبەر ڕزگارکران
کاربەدەستانی قوبرس ڕایانگەیاند، چەندین کۆچبەریان لەناو بەلەمێکدا و لە کەناری باشووری ڕۆژهەڵاتی دوورگەکە رزگار کردووە.
بەگوێرەی ناوەندی هەماهەنگی فریاگوزاری هاوبەشی قوبرس، تیمەکانی فریاکەوتن توانیویانە 61 پیاو و 6 ژن و 19 منداڵ لە کەنار دەریاکە رزگار بکەن.
ناوەندەکە لە بەیاننامەیەکدا ئاماژەی بەوەشکردووە، کە بەلەمێکی پاسەوانی پۆلیسی دەریایی و دوو بەلەمی خێرا بەشدارییان لە ئۆپەراسیۆنەکەدا کردووە.
جێی باسە، هیچ زانیارییەک دەربارەی ڕەگەزنامەی کۆچبەران یان خاڵی ڕۆیشتنی بەلەمەکە ئاشکرا نەکراوە.