جێگری سەرۆک وەزیری ئیتالیا ماتیۆ ساڵڤینی و مارین لۆپانی ڕێبەری ڕاستڕەوی توندڕەوی فەڕەنسا، پێکهێنانی بەرەیەکی یەکگرتوویان دژ بە لافاوی کۆچبەران راگەیاند.
لۆپان سەرۆکی کۆبوونەوەی نەتەوەیی فەڕەنسا وتی: “ئێمە بەرگری لە نەریتەکانمان و ناسنامە و دیمەنەکانمان دەکەین، ئێمە بەرگری لە خەڵکەکەمان دەکەین دژ بە لافاوی کۆچ”. ئەو ئاماژەی بەو هەزاران کۆچبەرە کرد کە لەم هەفتەیەدا گەیشتنە دوورگەی لامپدۆسای ئیتالیا.
ساڵڤینی تۆماری دژە کۆچبەری خۆی پێشکەش کرد و جەختی لەوە کردەوە کە ئیتالیا هەرچی لە ڕووی دیموکراسییەوە هەیە دەیکات و هەموو ئامرازە پێویستەکان بەکاردەهێنێت بۆ ڕێگریکردن لە داگیرکردنی کۆچبەران.