مووسا خالد
گشتپڕسی ( ڕیفراندۆم ) مافێ ھەموو تاکەکێ یە دڤێ جیھانا ئەم تێدا دژیت، ژ ڕوویێ دەستوری و یاسایی د ھەر دەوڵەتەکیدا ب تایبەتی دحوکمێ دیموکراسیدا مافێ هەموو خەلکەکێ یە، کۆ چارەنڤێسێ خۆە و ئاخا خۆە ب دەنگێ خۆە دیاری بکەت. ژ پێخەمەد دیارکرن و گرەنتیکرنا سنورو ئازادی و سەربەخۆییا وڵاتی ژ ڕوویێ ڕامیاری و ئابووری و ب کیانەکێ خۆیی وەک ھەر دەوڵەتەکا دی ئەڤی جیهانا ئەم تێدا دژین نابیت چ بەربەست و ڕێگری ھەبیت د ھەڵبژارتن و دیاریکرنا مافێن هەبوونا ب دەوڵەتەکێ و دڤێت دان پێدانەکا هەبیت یا وەلاتێن زلیھێزێن جیھانی بۆ پشتگیری و پەیوەندی و ھەماھەنگی لسەر یاسایا نێڤدەوڵەتی، ژبەر هندێ خەبات و تێکۆشانا حزب و لایەن و لڤینا سیاسی و سەربازی دخەباتا گەلێ کوردا، د مێژوویا ڕزگاریخوازا کوردستانێ دا، ھەر ل سەردەمێ شێخ سعیدێ پیران و شێخ نەھری و شێخ عبدالسلام بارزانی و شێخ ئەحمد بارزانی و مەلك محمود و قازی محمد و بارزانی نەمر، ژبەر سەربەخۆیی و ئازادی میللەتێ کورد ل سەر دەستێ ڤان خەبات یاکری دژی دوژمنێن گەلێ کوردستانێ و ئیك لدیڤ ئێکێدا بەردەوام ئێک خەبات هەبوو دژی دۆژمنێن گەلێ کوردستانێ. ژبەر هندێ خەباتا سەرۆک مەسعود بارزانی کۆ ھەڵگری ئالایێ دەستێ ئەو سەرکردەیێ نەمر ب بەردەوامیا و درێژە پێدەرا ئەوێ ڕێبازا کوردنیێ بوو. ژبەر هندێ ل ٢٥ی ئەیلوولێ سالا ٢٠١٧ بڕیارا گشتپرسیا ( ڕیفراندۆم)ێ ل سەرتاسەرێ ھەرێما کوردستانێ دا ب بڕیارا سەرۆك مەسعود بارزانی بۆ، ئەڤە پەیامەکا ڕاستەوخۆ مەدەنی بۆ گەلێ کورد نێشا وەلاتێن جیهانێ دا، دیسان ئەڤ ڕێفراندۆمە بۆ کەرکووکا دلێ کوردستان و ناوچەێن دی، ب مەبەستا دیارکرنا دەنگێ خەڵک دناڤبەرا سەربەخۆییا هەرێما کوردستانێ یان ڤەگراندن بۆ سەر عێڕاقێ، ئەو بوو کوردستانیان بە دەنگێ زێدەتر ژ رێژا ( ۹۲ ٪ ) بەلێ دەنگێ خۆە بۆ سەربەخۆییا جودابوونێ دەربڕی، دنۆکە ژیدا خەلکێ هەرێما کوردستانێ خۆدان بەڵگەیەکێ دەستووری و یاسایینە کۆ ئەوژی دەنگێ شەرعیەتیا خەلکێ یە بۆ دیاریکرنا مافێ چارەنڤێسێ خۆە، کۆ ئەڤە هەموو ئەو بەرھەمێ خوێنا شەھیدو ئەنفال و کیمیاباران و جینۆسایدایە دژی گەلێ کورد ژبەر هندێ د چارچووڤێ یاسایا مافێ نەتەوەی و رێفراندۆم ئێکە ژوان دەستکەفتێن گرنگ هەموو تاکێ کورد شانازیێ پێ دبەن و دامەزڕاندنا دەولەتەکا کوردستانێ مافەکێ ڕەوا یێ خەلکێ کوردستانێ یە .