میدیاکانی ئەڵمانیا دەڵێن، پۆلیس لە شارۆچکەی ئەلدنهۆفنی ویلایەتی ڕاین-ڤێستفاڵیای باکووری ڕۆژئاوای ئەڵمانیا، ڕۆژی دووشەممە هەڵیانکوتاوەتە سەر کڵێسایەکی پرۆتستانت لە شارۆچکەکە و پەنابەرێکی عێراقییان تێدا دەستگیرکردووە.
سەرچاوەکانی ڕاگەیاندن ئەوەیان پشتڕاست کردەوە کە پۆلیس ڕاستەوخۆ پەنابەرە عێراقییەکەیان ڕەوانەی کرواتیا کردووە و، ئاماژەیان بەوە کردووە کە کرواتیا یەکەم وڵاتی ئەوروپییە کە وەک پەنابەر تێیدا تۆمارکرابێت، ئەمەش ڕێگەی بە دەستەڵاتداران داوە بەگوێرەی پەیماننامەی دوبلن ڕەوانەی بکەن.
ئەو پەنابەرە عێراقییە، تەمەن 29 ساڵانە و داوای پەنابەری لە کڵێساکە کردووە بۆ ئەوەی خۆی بە دووربگرێت لە دەرکردنی بە مانەوەی بۆ ماوەی شەش مانگ لە کڵێساکە.
بەگوێرەی سەرچاوەکان، پۆلیس پەنابەرەکەی تۆمەتبار کردووە بەوەی کە پێشتر چەکداری ڕێکخراوی تیرۆریستی “داعش” بووە.
وتەبێژی پۆلیسی ناوخۆ وتی، کڵێساکە داوای لە پەنابەرە عێراقییەکە کردووە وڵاتەکە جێبهێڵێت، بەڵام ئەو ڕەتی کردۆتەوە، بۆیە پێویستی بە دەستێوەردانی پۆلیس بووە تا لە وڵاتەکە دەری بکەن.