ناوەندی ڕەوەندی کوردستانی-ڤێرجینیا بە ئامادەبوونی ئەندامانی ناوەند و ژمارەیەک هاوڵاتیی نیشتەجی ئەو دەڤەرە، ڕۆژی جلوبەرگی نەتەوەیی بەرز و پیرۆز نرخاند.
ئێوارەی ١١ـی ئاداری ٢٠٢٤، لە ئۆفیسی ناوەندی ڕەوەندی کوردستانی لە ویلایەتی ڤێرجینیای ئەمریکا، بە ئامادەبوونی ئەندامانی ناوەندەكە و ژمارەیەک هاوڵاتی نیشتەجیێی ئەو دەڤەرە، ڕۆژی جلوبەرگی کوردییان بەرز نرخاند.
جێی باسە، لە گردبوونەوەکەدا باس لە بەرفراوان کردنی پانتایی هاوکاری و هەماهەنگی کۆکردنەوە و سوود وەرگرتنی تواناکانی کوردانی ئەو دەڤەرە کرا، ئەوەش بۆ ئاشناکردنی گەلانی دیکەی ناوچەکە بە کلتووری بەرزی کورد.
