(بە کاتی دڵ) یەکەمین دیوانی شاعیری لاوی لێهاتوو (مازیار فایەق)ە، ئەو گەنجەی، کە زۆرترین هۆنراوەی لە لایەن زۆرینەی هونەرمەندانی کوردستانەوە کراوە بە گۆرانی. ئەم دیوانە دەیان شیعری نوێی بە بابەت و بڕگەی جیاوازی لەخۆ گرتووە…
ئەوەی شایەنی باسە، بەشێکی زۆر لە هونەرمەندان و ئاوازدانەران و نووسەران و شاعیران بۆ پشتگیری و بەردەوامی ئەم گەنجە شاعیرە لێ هاتووە، لە پلاتفۆڕمە جیاوازەکانی تۆڕە کۆمەڵایەتییەکانی تایبەت بەخۆیان ڕا و سەرنجی پۆزەتیڤی پڕ لە هاندانیان ئاڕاستەی نووسەری دیوانی (بە کاتی دڵ) دەکەن .
دیوانی شیعری (بە کاتی دڵ) یەکێک دەبێ لە کتێبە نوێکانی پێشانگای نێودەوڵەتیی کتێب لە شاری هەولێر بۆ ماوەی (١١) ڕۆژ لە ڕێکەوتی (٠٩/٠٤/٢٠٢٥ تاکوو ١٩/٠٤/٢٠٢٥)، پاشان لە سەرجەم کتێبخانەکانی شار و شارۆچکەکانی هەرێمی کوردستان دەکەوێتە بەردیدەی خوێنەران.
