ئیسماعیل عەلی/ بێرمنگهام
لڤان ساڵێن دوماهیکێ، رەڤەندا کوردی ل باژێرێ بێرمنگهام لدەڤەرا رۆژاڤا یێ ناڤەندا بریتانیا، و ژبەر بەرفرەبونا ئەڤێ رەڤەندێ، گرنگیپێدانەک دگەلەک بووارێن ژیانێ دا کرینە وژوان گرنگی ب هونەر و سینەما و کەلتوێ کوردی بوینە. جنکی وەک ئەم دزانین کە گەلێ کورد دمێژووەکا کەڤندا حەز و ڤیان لسەر هونەری هەبۆیە، ژبەر کۆ هۆنەر بخۆ مینا کارەکێ مروڤی دشیت دەربرینەکا راستەقینە ژناخ و هزر و هەستێن مروڤی بکەت، وەسا تاکێ کورد هونەر بباشترین ئامراز بۆ دەربرینا هەست و نەستێن خۆ بدەستخۆڤە ئینایە. ژوان جورێن هونەری گرنگی پێ هاتیە کرن، سینەمایە و مە چەوا دیتیە لڤان ساڵێن دوماهیێ گرنگی ب ڤیستەڤاڵ و فیلمێن سینەمایی هاتیە دا لسەر ئاستێ هەرێما کوردستانێ، لوان ئەو ڤیستەڤاڵا گرنگ هەر ساڵ ل باژێرێ دهۆکێ دهێتە کرن. دڤێت ژبیر نەکەین ژی، مێژووا گەلێ کورد یا خوویناوی درێبازا رزگاریخوازا مللەتێ کورد و پیلانێن دوژمنکاری، چ لسەر ئاستێ هەرێمی یان نێڤدەلەتی، وەل گەلێ کورد کریە گرنگیێ ب هونەر و کەلتورێ خۆ بکەت و باشترین ئەکتەر و دەرهێنەر و نڤیسکارێن سینەمایی رییا خۆ بۆ ناڤ هەردو سکرینێن تەلەفزیونی و سینەمایی ببرن و ئەو کارەسات و تێکوشینێن گەلێ کورد کرین بشاهدەییا هەمی فیلم و دۆکیۆمینتێن دیروکی دجەنگ و داستانا دا نیشا جیهانێ بدەن. سەرەرای وی، کورد مللەتەک بۆیە ژهەمی مللەتێن دی پتر لدویڤ تیروانینا ‘ژیان بەردەوامە، ژیانا خۆ دسەر هەمی کاودانێن سەختدا بخۆشی و کەیف و دیلان لدویڤ کەلتورێ خۆ برێڤە بریە. پتر یا مە ئاماژە پێدای، دوان کورتە فیلم و فیچەر فیلمێن دیدارا فیلمێ کورد هاتینە دیتن و تێبینیکرن ل ئۆکتوبەرا ئەڤ سالە ٢٠٢٤ێ ئەڤا بۆ جارا دووێ، پشتی ئێکەم دیدارا ل ئوکتوبەرا ٢٠٢٣ێ، ل ئێک ژ سینەمایێن ناڤدارێن بریتانیا ل بێرمنگهام سینەووڵد :
هاتیە نمایشکرن.
Cineworld
ئەڤ دیدارا دووێ یا فیلمێ کوردی ژلایێ رەڤەندا کوردیڤە لباژێرێ بێرمنگهام و ب سپۆنسەریا کۆمەکا چالاکڤان و کەسانێن تایبەتمەند د هونەری و سینەمایێ دا، بهاریکاریا چەند گەنجەکێن خەمخۆر یێن ڤاڵنتیرل روژێن ٢٥ بۆ ٢٧ی ئۆکتوبەرا ئەڤساڵ ٢٠٢٤ێ لنیڤا جەرگێ باژێرێ بێرمنگهام هاتیە برێڤەبرن و نمایشکرن. ئەڤ دیدارە ژی بسەرپەرشتیا بەرێز دارۆ عەزیز هاتە برێڤەبرن. من وەکۆ هاوڵاتیەک ژ رەڤەندا کوردی، بۆ جارا ئێکێ و لرۆژا سیێ ژ چالاکیێن ڤێ دیدارێ بخۆشهالی بەشداری کر. من دیت کە هەمی هاولاتیێن کورد، ژوان هندەکێن بیانی ژ خەلکێ بریتانی، بجوش و خروشەکا زێدە لهۆڵا سینەمایێ بەرهەڤ ببون. ئەو هۆڵا بمەزنی و بەرفرەهیا خۆڤە جهێ هەمیا نەکر بوو و من دیت کە ژمارەیەکا وان لسەر ئەردی رۆینشتبون و سەحی سکرینا مەزن یا سینەمایێ دکرن، هەر چەندە رۆژا سیێ بۆ ژی ژ وێ دیدارا هونەری. یا پتر جهێ دلخۆشیێ ژی، پرانیا بەرهەڤبۆیا ژن و گەنجێن کورد بون. یا ژوێ ژی گرنگتر، هندەک ژوان بجل و بەرگێن جوانێن کوردی بەرهەڤببون. ئەڤە وێ ژی دیار دکەت کە کورد لگەر جهەکێ لێ قەست بکەتێ حەژێکەرێ هونەر و کەلتورێ خۆیێ کوردییە
دگەل ڤێ و بۆ پتر هەلسەنگاندنا ڤێ چالاکیێ، ژمارەیەکا هونەرمەند و ئەکتەر و دەهێنەرێن ناڤبانگ دڤێ دیدارێ دا بەشدار بون. ژوان دەرهێنەر و ئەکتەرێ ناڤدار بەرێز شەمال عەبە رەش،( دوێنێ خوارێ دا لدەستێ راستێ). هەروەسا ژ بەرهەڤبونا ئەکتەرێ سەرەکیێ فیلمێ فیچەر یێ روژا سیێ هاتیە نمایش کرن؛ خۆشەویستی لەسەردەمی کورۆنادا، ئەکتەرێ سەرەکی بەرێز سیروان جەمال ( یێ نیڤەکێ دوێنەیدا) .. زێدەباری، ئەکتەری گەنج ریشان حەمۆ، دگەل هندەکێن دی من تێبینی کر
هەروەسا هندەک ژ دوست و هەڤالین مە ژ رەڤەندا کوردی ل باژێرێ بێرمنگهام، بتەنشت سەرپەرشتیارێ وێ دارۆ عەزیزیی، کارێ وان دهەر سێ روژادا یێ دیار بۆ و جهێ دلخۆسیێ بون درێڤەبرنا کاروبارێن ڤێ دیدارێ و زخمەت و پێشوازیا وان جهێ، ل ئەڤساڵەژی و پار ساڵ ژی، جهێ رێز و دلخۆشیێ بوون. ژوان، ئیک ژ دامەزرێنەرێن کومیۆنیتیا کوردی ل باژێری و ئێک ژ راڤێشکارێن سیاسی کاک موحسن پاشا (لوێنێ خوارێ) دگەل هەڤاڵێن تیما وی.
مەرەم ژڤێ چالاکیێ ژیێ، ئەو بۆیە کە گەلێ کورد دسەر هەمی کاودانێن سیاسی، گرنگ، مینا هێزا نەرم، ل جهێ چەک و توند و تیژیێ ب هونەر و کەلتورێ خۆ دایە وەک مللەتەک زیندی و خۆراگر. دهەمی هەلکەفتا دا دڤێن ئێک هێز و ئێک دەست و ئێک هزر و تێروانین بن دویری توخپەرئزیزی و توندرەوی و دوبەرەیێ.
لەوا بۆ هەلکەفتێن بهێت، ، رەڤەندا کوردی، بهەماهەنگی دگەل حکمەتا هەرێما کوردستانێ، لبەرە بۆ ساڵێن داهاتی ئەڤان دیدارا پتر ژلایێ هونەری و تەکنیکی پێشبێخن و بکەنە ڤیستڤالەک و وێنەیەکێ جوان و ژێهاتی بۆ بیانیا بدەنە دیار کرن
هەژی گووتنێ یە، پشتی ب دوماهیکهاتنا چالاکیێن دوهەمین دیدارا کوردی ل بێرمنگهام، خەلاتێ ریزگرتنێ یێ دوهەمین دیدارا فیلمێ کوردی ژلایێ سەرپەرشتیارێ دیدارێ بەرێز دارۆ عەزیز بۆ هونەرمەند شەمال عەبە ڕەش هاتە پێشکێشکرن. وەکۆ مە ئاماژە ژی پێدای، بەرێز عەبە ڕەش ئێک ئەکتەر و دەرهێنەرێن ناڤدارە، و رۆلەکێ گرنگ و بەرچاڤ دڤێ دیدارێ دا هەبوو. (وێنێ خوارێ دارۆ و شەمال)؛
لدوماهییێ، ئەڤا خوارێ ناڤەرۆکا ڤێ دیدارا فیلمێ کوردییە، ژ کورتە فیلم و درێژە فیلمێن وێ، ئەڤێن هاتینە نمایشکرن، ژبلی چەند گوتارەکێن پێشکێشکرن و خێرهاتنا مێڤانا و دابڕێن میۆزیگی و هونەری و کارێن دی:
رۆژا ئێکێ، رێکەفتی: ٢٥ ی ئۆکتوبەرێ ٢٠٢٤ێ:
ئاهەنگا ڤەکرنێ –
Opening Ceremony
بەرکا سۆڕ-
Red Carpet
دەستپێکرن بکورتە فیلمی ئێکێ؛ من (سامی) م ١٥ خۆلەک-
Opening Short Film؛
I am Sami
ناڤەرۆکا فیلمی؛ لدور زارووەکی یە بناڤێ سامی، لژیێ ١٠ سالیێ. هاتە نەچار کرن لدویڤ سەرێ خۆ بکەڤیت؛ کە نزیک بوو وێ برایرێ زاروکینیا وی ژ دەستدابا و ژیانیا وی گوهارتبا.
دەرهێنەرێ ڤی فیلمی: کەی بەهار.
کورتە فیلمێ دووێ؛ بای بری (بابوردوو) ٦ خولەک-
Short Film
Life gone with the wind
ناڤەرۆکا فیلمی؛ لگورەی ژنەکا دانعەمرە کۆ بیرا وێ لهەمی هزرین بەرێ یێن نەخۆش و تژی ئازار دهێت دەمێ ئەو زاروکەک بووو فروکەکا کاغەسکێ دیتی و ئالزی لسەر دارەکێ دماڵا خۆدا و بریار دای …….هتد.
دەرهێنەرێ ڤی فیلمی؛ سیاڤاش سەیدپەنا
ئالودا فیلمێ فیچەر یێ سەرەکی ١٢٨ خولەک.-
Feature Film;
Aluda
ناڤەرۆکا فیلمی؛ لدور ئەکتەرەکێ ژیێ وی ٤٠ ساڵە، ڤەخوارنا زیدە یا ئەلکۆحۆلی کارتێکرنێ لسەر سومعەتا وییا هونەری دکەت و کارێ وی ژدەست دچیت و ژنا وی خۆ ژێ ددەتە بەردان.
دەرهێنەرێ فیلمی: سیروان محەمەد (١٩٧٩).
رۆژا دووێ: رێکەتی ٢٦ی ئۆکتوبەرا ٢٠٢٤ێ:
فیلمێ سەرەکی؛ ناڤێ من بکە لاوەند ٩٢ خولەک
Feature Film;
Name me Lawand
ناڤەرۆکا فیلمێ لاوەند؛ لگورەی زار، لاوەندێ ٥ ساڵییە، وەکۆ زارووەکێ گەڕ. گەشتەکا ب مەترسی دگەل دایباب و خوشک و برایێن خۆ دبەتە سەرێ، هەتا ژ ئیراقێ دگەهنە باژێرێ بریتانی داربی. لویرێ دچیتە خاندنگەها مەلەکی یا زارویێن گەڕ. بەلێ لوێرێ ژی بەرەنگاری کێشەیا دبیت دەمێ دزانیت دێ ماڵا وی ژ وەلاتی دەرێخن … هتد.
دەرهێنەرێ فیلمی؛ ئەدوارد لاڤلس ناڤدار ب (لاوەند).
کورتە فیلم؛ رێک (جاددە) ١٥ خولەک
Short film; Road
ناڤەرۆکا فیلمی؛ لدور ژن و مێرەکا یە بۆ دەمێ ٧ سالا هەتا بیبییەک بۆ وان دهێت. بەلێ کێشە دەستپێدکەت دەمێ ژنێ هەست کری زەلامێ وێ یێ خیانەتێ لێدکەت. لدوماهیێ زەلام توشی ئێشا کانسەرێ دبیت.
دەرهێنەرێ فیلمی: خەیبار رەفیق (٣٧) ساڵ.
فیلمێ دووێ یێ سەرەکی:
من هنار بۆ تە چاند بوون ٨٧ خولەک
Feature Film:
I had seeded Pomegranate
ناڤەرۆکا فیلمی: لدوور کەسەکی بناڤێ هەورام کۆ ژ هەمی خەلکی دلمای بوو ژبەرکۆ کورێ وی د ریبارێ سیروان دا خەندقی بو، و کر بوو خەتایێن خەلکی. پاشی بریار دا پرەیەکێ دانیت سەر ئاڤێ و هەردو رەخێن گوندی پێکڤە بگەهینتە ئێکتر.
دەرهێنەرێ فیلمی؛ جەمیل مەفاخری (١٩٧٥).
رۆژا سیێ؛ ٢٧ی ئکتوبەرا ٢٠٢٤ێ:
فیلمێ کورت؛ چانتە ١٥ خولەک
Short film;
Suitcase
ناڤەرۆکا فیلمی؛ لدوور کەسەکێ پەنابەرە ل غەریبیا د دچانتێ خۆ دا دنڤیت. دوی چانتەیدا، هەمی تشتێن بیهرهاتنێن خێزانا خۆ، ژنکا خۆ و کچکا خۆ، دپاراستن. جارەکێ دچیت بەرێ خۆ ددەتێ کۆ ئێکی چانتێ وی یێ دزی. هۆسا، بۆ جارا دووی، ئەوی ماڵا خۆ ژدەست دا.
دەرهێنەرێ ڤی فیلمی یێ گەنج: سامان حۆسەینپۆر (١٩٩٣).
فیلمێ کورت یێ دووی: بۆ هۆڕام ١٤ خولەک
Short Film;
For Horam
ناڤەرۆکا فیلمی؛ هۆڕام زارووەکێ گەنجە. لسەر توخیبێن گوندەکی دژیا، و حەز دکر هەمی فروکەیێن شەری ل ئەسمانی ڕابوەستینیت، هەروەسا، فروکەکا نەفەرا ژی بەرهەڤکر بوو دا هەمی هەڤالێت خو بکەتە تێدا، ژ بو هندێ وان هەڤالا رازی کەت هندی فروکەکا شەری ژ ئەسمانی دەرباز بیت بۆ وی بهەژمێرن، بەلێ …..هتد.
دەرهێنەرێ فیلمی: جەلال سەید پەنا (١٩٦٧).
فیلمێ کورت یێ سیێ: توخمە خۆر ١٦ خولەک
Short Film;
Seedeater
ناڤەرۆکا فیلمی؛ تۆڤکێن گولبەڕۆژێ ژیانا سادە یا کەپڵەکێ پیرەمێر و پێرەژنا دگهۆڕئت.
دەرهێنەرێ ڤی فیلمی؛ کۆمەڵگەها گەنجێن سینەمایا کوردی.
فیلمێ سەرەکی:
خۆشەویستی لە سەردەمی کۆرۆنادا ١٠٣ خولەک
Feature Film;
Love in the time of Corona
ناڤەرۆکا فیلمی؛ دو زەڵامێن برایێن ئێک لهیڤیا مرنا بابێ خۆ بوون، ئەوێ گوشتفروشەکێ بەرنیاس ل گەرەکێ، چنکی شەرەنیخا وان بوو کا کیژ بەری یێ دی ژن ئینابا، هەر چەندە هەردوو د فیلمیدا ب تەمەنن ژی. چالاکڤانەک ژی رولێ وی د فیلمی دا دیار دبیت دەمێ کوومەکا سە و پشیکا و دەوارا بخۆدان دکەت، هندەک ژوان دپەککەفتی. لدەمێ هاتنا ڤایروسی کورونایێ و قەدەغەکرنا خەلکی بۆ دەرکەتنا دەرڤە، گەلەک راستی ئاشکرا دبن لدوور چیروکا وان.
دەرهێنەرێ وێ: شوان عەتتۆف.
ژێدەر:
نامیلکا (دووەمین دیداری فیلمی کوردی)، بێرمنکهام – بریتانیا
2nd Birmingham Kurdish Film event
25 – 27 October 2024
Cineworld, 181 broad street
Birmingham, B15 1DA
ماڵپەرێ فەیسبوکێ :
فیستەڤالی فیلمی کوردی بێرمنگهام.
تێبینی:
من کورتیا ناڤەرۆکێن ئەڤان فیلما ژ ئینگلیزی بۆ کوردی وەرگێراینەژ نامیلکا دیداری فیلمی کوردی بێی دەستکاری.
دگەل ڤێ، ئەو وێنە و دیتەیڵێن لسەر وێنەی یێن فیلمێن فیچەر من هەر ژوێ نامیلکا ناڤبری وەرگرتینە.