سەرۆکی کۆمسیۆنی یەکێتی ئەوروپا دەڵی، کە بە نیازن چاکسازی لە بازاڕی کارەبادا بکەن، ئەوەش بەهۆی بەرزبوونەوەی نرخی وزە و غازی سرووشتی.
سەرۆکی کۆمسیۆنی یەکێتی ئەوروپا ئورسولا ڤۆن دێر لاین، گوتی، کە یەکێتی ئەوروپا چاکسازییەکی تەواو و قووڵ لە بازاڕی کارەبا ئەنجام دەدات، لەکاتێکدا وڵاتانی ئەوروپا شاهیدی بەرزبوونەوەی نرخی وزە و نرخی غازی سرووشتین.
جێی باسە، بەهۆی شەڕی روسیا دژ بە ئۆکرانیا و، سەپاندنی سزا بەسەر روسیاوە، ئەو وڵاتەش وەک کاردانەوەیەک، هەناردەی غازی سرووشتی بۆ ئەوروپا کەمکردۆتەوە و، بەوەش نرخی غازی سرووشتی بەرزبۆتەوە، کە بووەتەهۆی بەرزبوونەوەی نرخی سەرجەم کاڵا و خۆراکیش لە وڵاتانی ئەوروپا.