ئەمڕۆ یەکشەممە رێککەوتی 23ی10ی2022، تاهیر هەورامی بەرپرسی دیسکی رەوەندی کوردستانی لە بارەگای بارزانی، بە ئامادەبوونی موزەفەر ئەحمەد ئەندامی ناوەندی رەوەندی کوردستانی پێشوازی لە بژار رواندزی راهێنەر و سەرپەرشتیاری تیپی وەرزشی ( Dan Kurd)ی وڵاتی دانیمارک کرد.
لەدانیشتنێکدا، بژار رواندزی باسی لە پڕۆژەی نوێی وەرزشی دەووری رەوەندی کوردستانی لە ئاست بەشداریان لە بوارە وەرزشییەکان کرد و، لەوبارەوە بیر و بۆچوونی پێویست ئاڵوگۆڕکران.
شایانی باسە، تیپی وەرزشی تۆپی پێی دانکورد لە ئاستی پلە سێی وڵاتی دانیمارک یاری دەکەن و، بۆ ئەمساڵ سەرکەوتوون بۆ پلەی دوو، وەک پاڵپشتی و هاوکاری بەردەوامی دیسکی رەوەندی کوردستانی بۆ بواری وەرزشی، بۆ بەشێک لە ناوەندەکانی رەوەندی کوردستانی بەردەوام دەکرێت، لە کۆتاییشدا تاهیر هەورامی، بەڵێنی هاوکاری و پاڵپشتی کردنیانی لە بواری وەرزشی دووپاتکردەوە.