کۆچبەرێکی گەنج پەڕەشووتێکی گلایدەری بۆ پەڕینەوەی دیوارە سنوورییەکەی مەغریب بۆ میلیلای ئیسپانیا بەکارهێنا، ئەوەش شێوەیەکی نوێیە و یەکەمجارە پەنابەران پەنا بۆ وەها شێوازێکی گەیشتنیان بە ئەوروپا بدەن.
لە نوێترین داهێنانی ئەوانەی کە بەدوای چوونە ناو خاکی ئیسپانیاوەن، کۆچبەرێکی گەنج پەڕەشوتێکی پاراگلایدەری بۆ تێپەڕاندنی دیواری سنووری نێوان مەغریب میلیلای ئیسپانی بەکارهێنا و، توانی بگاتە شوێنی مەبەستی.
پۆلیسی پاسەوانی سنووری نێوان میلیلا و نادۆر هەوڵیانداوە بەدوای کۆچبەرەکەدا بگەڕێن و دەستگیری بکەن، بەڵام شوێنەواریان نەدۆزیەوە، تا ئێستا ناسنامەی نەزانراوە.