لە کۆبوونەوەی وەزیرانی ناخۆی وڵاتانی ئەندامی ناوچەی شینگن لە پراگی پایتەختی چیک پشتگیری توندرکردنی سەر سەرنورەکان دەکەن ،تا تاوانباران و باندەکانی بازرگانی نایاسایی سود لە هەلی لێشاوی کۆچبەرانی ئۆکرانی وەرنەگرن
بەپێ هەواڵی سویس ئینفۆ وڵاتانی ئەندام ڕێککەوتن لەسەر توندکردن و کۆنترۆڵکردنی سنورەکان و هەروەها پشتگیری هەوڵەکان بۆ ئاڵوگۆری زانیاری و هاوکاری لەئاستی هەواڵگری دروست لەو بارەوە هەبێت ،تا تاوانباران ،بازرگانانی نایاسایی و تیرۆرستان سوود لە بۆشایی و لێشاوی کۆچبەرانی ئۆکرانیا نەبینین
بەپێی ڕاگەیندراوێکی ڕۆژنامەوانی کە لە کۆبوونەوەکەدا بڵاوکراوەتەوە، وەزیرەکان هاوڕابوون لەسەر ئەوەی کە پێویستە سنورە دەرەکییەکانی بۆشایی شینگن لەم کاتەدا بە توندی کۆنترۆڵ بکرێن بۆ ئەوەی تاوانباران و تیرۆریستان لە ڕێگەی ئەو شەپۆلەی لێشاوی کۆچبەرانی ئۆکرانیا سوود وەرنەگرن
جێی باسە بەپێی دواین ئاماری کۆمسیۆنی باڵای نەتەوەیەکگرتووەکان بۆ کاروباری پەنابەران ( UNHCR )لەسەرەتای دەستپێکردنی ئۆپراسیۆنی داگیرکاری ڕوسیا دژ بەئۆکرانیا لە 24مانگی دووی 2022،نزیکەی 5 ملیۆن هاوڵاتی ئۆکرانیا ئاوارەی دەرەوەی وڵات و نزیکەی 7,1ملیۆن هاوڵاتی ئۆکرانی لە ناوخۆی وڵات ئاوارەبوون,پێشبینی دەکرێت تاکو کۆتایی ساڵ ژمارەی پەنابەرانی ئۆکرانیا 8ملیۆن تێپەڕێنێت.
سۆران حەسەن