ماسییەکی تونا بە پارەیەکی خەیاڵی فرۆشرا

ئاژانسی هەواڵی کیۆدۆ بڵاویکردەوە، کە ماسییەکی جۆری تونای 212 کیلۆگرامیان لە یەکەم مەزادی ساڵی 2023 لە ژاپۆن، بە پارەیەکی خەیاڵی فرۆشتووە.

ئەو نرخە بە بەراورد بە مەزادەکەی ساڵی پار دوو هێندە زیاترە، کە ماسییەکی تونای 211 کیلۆگرامیان بە 16.88 ملیۆن یەن فرۆشراوە (145,000 دۆلار)، هەروەها 1.5 ئەوەندەی ترە لە ساڵی 2021 کاتێک گرانترین تونای فرۆشراو بە 20 ملیۆن یەن (202,000 دۆلار) فرۆشتووە.

بەرزترین نرخ بۆ ماسی تونا، لە ساڵی 2019 تۆمارکرا، کاتێ لە یەکەم مەزاددا پاش ڕۆژی سەری ساڵ، بە 333 ملیۆن یەن (3.1 ملیۆن دۆلار) فرۆشرا.

لەساڵی 2020دا نرخەکە بە 193.2 ملیۆن یەن بەرز بوو (1.8 ملیۆن دۆلار)، بەڵام پێشتر ڕەوتێکی بەرەو خوارەوە هەبوو کە زیاتر دەرکەوت دوای پەتای ڤایرۆسی کۆرۆنا.

یەکەم مەزادی ماسی تونا، دوای ڕۆژی سەری ساڵی نوێ، هەمیشە سەرنجی زۆر ڕادەکێشێت، چونکە بەشێوەیەکی نافەرمی بە نیشانەی ئابووری و جۆرێک لە پێشبینی بۆ ساڵ دادەنرێت، پێشبینی تونا هەمیشە ورد نییە، بەڵام نرخە بەرزەکەی لە یەکەم مەزادی ساڵی نوێدا ئۆمێنێکی باشە، کە بە بە 36 ملیۆن یەن، واتە (266 هەزار دۆلار) فرۆشراوە.