ناوەندی ڕەوەندی کوردستانی-بێرمینگهام و رێکخراوی رۆشنبیرانی کورد لە بەریتانیا، قوتابخانەیەکی کوردی بۆ منداڵانی کوردی دانیشتووی بێرمینگهام و چواردەووری دروست دەکەن.
دوێنێ یەکشەممە، رێککەوتی ١٥/١/٢٠٢٣ لە هۆڵی گەلەری ئۆرفە لە ئۆفیسی رێکخراوی رۆشنبیرانی کورد لە بێرمینگهامی بەریتانیا، ناوەندی ڕەوەندی کوردستانی و رێکخراوی رۆشنبیرانی کورد لە بەریتانیا، سەبارەت بە دامەزراندنی قوتابخانەیەکی کوردی بۆ منداڵانی کوردی دانیشتووی ئەو شارە و دەووروبەری کۆبوونەوەیەکیان ئەنجامدا.
لە کۆبوونەوەکەدا دامەزراندنی بۆردی ئیداری خوێندنگاکە بڕیاری لەسەر درا، كە هەریەك لە فەرەیدون و ڕزگار و موحسین، ئەندامانی ناوەندی رەوەندی كوردستانی-بێرمینگهام بوونە ئەندامی بۆردەكە و، سەرۆكی رێکخراوی رۆشنبیرانی کورد لە بەریتانیا و چەند هەڤاڵێكی دیکەیش بەهەمانشێوە بوونە ئەندامی بۆردەكەو چەند کەسایەتی و چالاکوان بەشداربوون ، هاوکات بڕیارە ئەو پڕۆژەیە بە هاوكاری ناوەندی ڕەوەندی كوردستانی-بێرمینگام و ڕێكخراوی ناو براو جێبەجێ بكرێت.
نوێنەری ڕێکخراوی كوردیش كۆمیونیتی وێست میدالند، (سەنتەری کۆمەڵگەی کورد- وێست میدلەندز)، كە نوێنەرایەتی كوردانی ڕۆژاڤا دەكات، ئامادەی کۆبوونەوەکە بوون.
بڕیاردرا كووبوونەوەكان درێژەیان هەبێت، تا دامەزراندنی فیدراسیۆنێك كە لەسەر ناو و پەیڕەوپڕۆگرامەكەی ڕێكدەكەون.
لەو كۆبونەوەیەدا باسی تەوەری بەشداریكردنی كورد لە ئاهەنگی نەورۆزی ئەمساڵ کرا، كە بڕیارە پارتی كرێكارانی بەریتانیا لە مانگی ٣ی ئەمساڵ بۆ كوردانی بێرمینگهامی رێكبخات، بۆ ئەوبابەتە بڕیاردرا لە كۆبوونەوەی هەموو ڕێكخراوەكان، كە بڕیارە ناوەندی رەوەندی كوردستانی لە بێرمینگهام كۆیان بكاتەوە، گفتوگۆی لەبارەوە بکرێت و، هەمووان بەیەك دەنگ و ئارمانج ئامادەكاری بۆ بەشداریكردنی بدەن.
