دوو قاچاخچی کە لە ماوەی چەند مانگی رابردوودا دەیان کۆچبەریان لە تورکیاوە گەیاندۆتە یۆنان، دەستگیرکراون و گەڕان بە شوێن قاچاخچییەکانی دیکەی هاوکاریان بەردەوامە.
پۆلیسی یۆنان هەڵوەشاندنەوەی ئەڵقەیەکی قاچاخچێتی کۆچبەران و دەستگیرکردنی دوو ئەندامی سەرەکیان ڕاگەیاند، بێژەری دەوڵەتی یۆنانی ئارت، گوتی ئەو قاچاخچیانە لە چەند مانگی ڕابردوودا، بەلایەنی کەم 73 کۆچبەریان لە سنووری تورکیاوە هێناوەتە یۆنان.
بەگوێرەی پۆلیسی یۆنان، ئەو کۆچبەرانە نزیکەی 4000 یۆرۆ (4200 دۆلار) یان داوە بە قاچاخچییەکان، هاوکات گەڕان بەدوای ئەنجامدەرانی زیاتردا دەکرێت.
بەگوێرەی زانیارییە فەرمییەکان، پاسەوانانی سنووری یۆنان لە ساڵی 2022 لە نزیک ڕووباری یۆنان کە بە ئیڤرۆس و لە تورکیا بە مێریک ناسراوە، ڕێگرییان لە زیاتر لە 260,000 پەڕینەوەی نایاسایی لە سنوورە دەرەکییەکانی یەکێتی ئەوروپا کردووە، هەروەها بەپێی زانیارییەکان نزیکەی 1500 قاچاخچی گومانلێکراو دەستگیرکراون.