ئەم وڵاتە لە ماوەی هەفتەیەکدا سەدان کۆچبەر دیپۆرت دەکاتەوە

دەستەڵاتداران لە بەیاننامەیەکدا رایانگەیاند، کە لە ماوەی هەفتەیەکدا نزیکەی دوو هەزار کۆچبەری نایاساییان دیپۆرتکردۆتەوە، هاوکات زیاد لە دوو هەزاریشیان دەستگیرکردووە.

سەرۆکایەتی وەزارەتی کۆچ و کۆچبەری تورکیا، دەستگیرکردنی 2492 کۆچبەری نایاسایی و، دیپۆرتکردنەوەی 1872 کەسی دیکەشی راگەیاند، ئەوەش لە میانەی چالاکییەکاندا بووە بەرەنگاربوونەوەی کۆچی نایاسایی لە سەرانسەری وڵاتدا، کە رێککەوتی لە 31ی ئازار تا 6 نیسانی ئەمساڵ بووە.

ئاماژەی بەوەشکردووە، لەو ماوەیەدا 2،492 کۆچبەری نایاسایی دەستگیرکراون، لەنێویاندا 1،019 ئەفغانی، 57 پاکستانی و 1416 کۆچبەری دیکە بوون لە سەرانسەری وڵاتەکەدا.