چەند پەنابەرێک لە فەرەنسا بە تۆمەتی گواستنەوەی کۆچبەران لە کەناراوەکانی کالێی فەڕەنساوە بۆ بەریتانیا دادگایی کران.
دادگاییکردنی نۆ ئەفغانی بە تۆمەتی دامەزراندنی تۆڕێکی قاچاخچیی بۆ گواستنەوەی کۆچبەران لە فەڕەنساوە بۆ بەریتانیا تا 20ی ئەم مانگە بەردەوام دەبێت، کە تەمەنیان لە نێوان 21 بۆ 39 ساڵدایە.
ئەوان تۆمەتی گواستنەوەی کۆچبەرانیان لە ڤێتنام و ئەفغانستانەوە بۆ بەریتانیا لە ساڵی 2021ەوە دراوەتە پاڵیان، دەستەڵاتداران لێکۆڵینەوە لەو هەنگاوانە دەکەن کە ئەو قاچاخچییانە بۆ ئەنجامدانی ئۆپەراسیۆنەکانیان کردوویانن، وەک کڕینی بەلەمی لاستیک و جلی ڕزگارکردن لەڕێگەی ماڵپەڕ و دوکانەکانەوە و گواستنەوەیان لە پاریسەوە بۆ کەناراوەکانی کالێی باکووری فەڕەنسا، کە لەوێ لەنێو لمدا شاردراونەتەوە وەک ئامادەکارییەک بۆ ئۆپەراسیۆنەکانی قاچاخچێتی.