نزیکەی سێ ڕۆژ دوای نوقمبوونی بەلەمێکی کۆچبەران لە کەناری سفاکس، وتەبێژی پاسەوانی کەناراوەکانی تونس ڕایگەیاند هەشت تەرمی نوێ دۆزراونەتەوە، بەمەش ژمارەی گیان لەدەستدانەکان گەیشتە 32 کۆچبەر.
ژمارەی گیان لەدەستداوان بەهۆی نقومبوونی بەلەمێکی کۆچبەرەوە لە کەناراوەکانی تونس گەیشتە 32 کۆچبەر، ئەوەش دوای ئەوەی هەشت تەرمی نوێ دۆزرانەوە، بەلەمەکە سێشەممەی ڕابردوو لە کەناری سفاکس نوقمبوو و، پاسەوانی کەناراوەکان ڕایگەیاند 10 کۆچبەر گیانیان لەدەستداوە.
وتەبێژی پاسەوانی نیشتمانی تونس لە هەژماری خۆی لە فەیسبووک بڵاویکردەوە، کە یەکەکانی ناوچەی دەریایی لە سفاکس، 72 کۆچبەریان ڕزگارکردووە.