پەنابەرێک هەوڵیدا هاوسەرەکەی بە شێوەیەکی ترسناک بکوژێت، بەوەی ئاگری لە جەستەی بەرداوە و چەندین چەقۆیشی لێداوە، بەڵام بە شێوەیەکی پەڕجوو (موعجیزە) ڕزگاری بووە و ئێستا لە ژێر چاودێری چڕدایە.
پەنابەرێکی تەمەن 32 ساڵی مەغریبی، لە شاری گالاتۆنی باشووری ئیتالیا، ئاگری لە قژی ژنەکەی بەردەدا و، دواتریش چەند چەقۆیەکی لێ دەدا وبە سەختی برینداری دەکات، بەڵام توانیویەتی لە دەستی مێردەکەی ڕابکات و بەرەو ماڵی دایکی رایکردووە، کە نزیکیان بوون، دواتریش بۆ نەخۆشخانەی گواستۆتەوە و، ئێستا لە ژێر چاودێری چڕی پزیشکیدایە.
سەرچاوەکانی ڕاگەیاندنی ئیتالیا، ئەوەیان خستۆتەڕوو، کە پەنابەرە تۆمەتبارەکە دوای هێرشێکەی بۆ سەر هاوسەرەکەی، بۆ شوێنێکی نادیار هەڵاتووە، هەربۆیە پۆلیس کۆمەڵێ ڕێنمایی بۆ هێڵەکانی شەمەندەفەر و بەندەرەکان و فڕۆکەخانەکان ناردووە، ئەوەش بۆ ئاسانکاری دەستگیرکردنی.