ناوەندی سوید ساڵوەگەڕی ریفراندۆمیان پیرۆز راگرت
ناوەندی ڕەوەندی کوردستانی-سوید لە فدراسیۆنی کۆمەڵە کوردستانییەکان بۆ یادی ساڵوەگەڕی ئەنجامدانی ریفراندۆمی سەربەخۆیی باشووری کوردستان کۆبوونەوە.
رۆژی یەکشەممە، رێکەوتی ٢٤/٩/٢٠٢٣ ناوەندی ڕەوەندی کوردستانی-سوید و، بەشێک لە کوردستانیان، بە مەبەستی بەرزڕاگرتنی یادی ساڵوەگەڕی ئەنجامدانی ریفراندۆمی سەربەخۆیی هەرێمی کوردستان، لە فدراسیۆنی کۆمەڵەی کوردستانییەکانی سوید لە ستۆکهۆڵم کۆبوونەوە.
جێی باسە، سەرجەم بەشداربووانی کۆبوونەوەکە ئەو رۆژەیان بە بۆنەیەکی پیرۆزی نەتەوەیی ناوزەد کرد و پیرۆزبایی خۆیان ئاڕاستەی گەلی کوردستان کرد، هاوکات هیواشیان خواست لە داهاتوودا کوردستان سەربەخۆیی بە دەست بێنێت.
