دیارە رەڤەندا کوردا ل دەرڤەی وەلات بسەدان کارێن باش کرینە هەر ژ دەما گەهشتین بکومەل بۆ وەلاتێن رۆژئاڤا، لێ وەکو دیار لدیف کێشا وانا یا مەزن و ئالوز هێشتا یێل خالا دەستپێکێ و کارەک وەسان نە هاتیە کرن و تەمەت وان قوربانی و مال وێرانیا کوردان بدرێژیا دیروکێ. لەوان بباوەریا من دوو کار گەلەک گرنگن کو بێن کرن ژ لایێ بنگەهێ دیاسپورا و جڤاکێن کوردی هەر جهێ لێ.
ئەز رۆناهیەکی بێخم سەر ڤان هەردوو خالان، ئەگەر بێن کرن وێ بببن دەستپێکەک پوزەتیف کو هێدی هێدی بگەهین ئێک و د ئێک بگەهن. یا ئێک: گەر بنگەهێ دیاسپورا ئاڤابی هاریکاریا هەر جهەکێ گەلەک کورد لێ هەبن پشتەڤانیێ بۆ بکە بۆ ڤەکرنا ئاڤاهیەکی (سەنتەرەک) وکو بیاڤ تێدا هەبە بۆ ئەنجام دانا چەندین چالاکیێن جڤاکی، وەرزشی، ئاینی و تازی و …..هتد. ئەڤ یەکە وێ ببە جهەک بۆ کومڤەبوونا هەموو کوردان نێزیک بوون ل ئێک خۆ بخۆ کارەک گرنگە بۆ ئێک نیاسین و ئالوگوریا پەیوەندیان و هەتا کو وێ ببە رێکەک باش بۆ پاشەروژا نفشێ بێت. ژ بەر کو نووکە خۆرت و قیزێن کورد کێم هەڤدو دبینین بەداخەوە گەلەک ژوان پەیوەندیا دگەل خەلکێ بیانی گرێدەن و مالبتا د گەل خەلکەک نە توخمێ وان دروست دکەن و ئەڤە کارە تا کو بێژی نە دخێرا کوردان دایە ژ بەر کو کورد کەم لچاڤ گەلەک توخمێن دی گەر ئەڤە بەردوام هەبە وێ زیانەک مەزن ببە. دبیت وەکو رزق و نەسیب ئەم نکارن رێ لێ بگرین لێ ئەم دکارین کاودانا خۆشکەین کو پتر ئەنجامدا مال ئاڤا کرنا ناڤخۆی وەرکرن. هەلبەت دەما ئەڤ بنگەهە چێ دبە گەر کورد خۆ بکەن خۆدان لێ و حەزکەن دکارن بدەهان کران ئەنجام بدەن بۆنموونە جهێ بدەنە بکرێ و کەسەک یان چەند کەسەک لێ شول کەن و وی ببە جهێ باوەریا خەلکی کو کوردان پێنگاڤەک ئەرێنی هاڤێت.
دوو، وەکو من نێزیک د گەل کوردان شولکریە و ئەزموونەک باش هەی هەم وەکو کار و یان وەکو خۆبەخش دناڤا کومەلێن کوردیدا بۆ پتری ٣٠ سالا. وەسان دیار د بە پرانیا زارۆکێن لڤێرێ مازن د بن و نووکە گەلەک ژێ بینە ژن یان زەلام کو ژ ژیێ ١٨ دەرباس بینە کوردیەکا گەلەک سەقەت د ئاخڤن. لێ دکار وپیشەیێ خۆدا گەلەک سەرکەتیە و ئینگلیزیەک باش دزانیت گەر ل کیژان وەلاتی بە. بدیتنا من ئەڤ نفشە ژ هەر گەنەگەشەکا کوردی درەڤیت پتر نە تێت دگەهیت و نە شیانێت پەیڤینێ هەنە. مرۆڤی نووکە ژی گەلەک سەرێ خۆ نا ئێشینە گەر د تشتەکی نە گەهە. لڤێر وەسان دیار دبە کو پەیڤین (کومێنیکەشن) دناڤ جڤاکێ کوردیدا گەلەک یێ ئالوزە نەمازە لدەف خورتێ و قیزێن ل دەرڤە ژیاین ئەڤە ژبلی کو سورانی و کرمانجی هەر چنە! لەوان ببووچوونا من، من بەریا نووکە ژی بزمانێ ئینگلیزی نڤێسی بوو ئەز لڤێرێ دووبارەکەم ئەوژی ڤەکرنا قەناتەکێ سەربەخۆ یێ ئینگلیزی تەنێ بۆ رەڤەندا کوردی دا کو گەنجێ کورد بشێت بووچوون و پرس و رەخنێت خۆ بینە زمان و خۆ ببینە بەشەک گرنگ د گوهورینێت هەمە جوور یێن گەلێ کورد.
ئەز باوەرم مەرەم یا روونە، بەلکی بێژن ئەڤە پارەک زۆر دڤێت، وەکو دیار گەلەک زەنگین و ملیونێر و گەلە پروژێن مەزن مەزن چ یێن حکوومی چ یێن کەسوکی ئاڤا بینە ل هەموو باژێرێن کوردان بلا ئێک ژ ڤان پرۆژە و ئاڤاهیان بۆ چەند ئاڤاهێن جڤاکێن کورد بە بتایبەتی لوان ولاتێت هەڤکاریا ڤان پرۆژا دکەن بۆ نموونە ل کەنەدا گەر کومینتی ٤٠ هەزار دولار بینە بۆ کرینا بنگەهەکی حکوومەتا دەڤەری بۆ نموون (ئەلبێرتا) وێ ٤٠ هەزار بۆ دانا ئەڤە موورگچ هاتە قەبوولکرن و یێ مای بۆ دڤێت ئەندام و کرێیا وێ پارێ بانکێ دا بنە. کورد ژێک ڤەقەتیانە و د بێ خۆدانن لدەرڤە هەتا لڤێرە کێمە نەتەوە گرنگی پێ ناهێت دان و ئەو بخۆ ژی نکارن خۆ رێکخەن بڤی ئاوای کورد رۆژ بۆ رۆژێ یێ پەرت و بەلاڤ دبن دبیت د چەند چەرخێن بێت دا بڤی ئاوای بزەحمەت ببینی کو کوردا مانە کو بێن و تاما کوردا ژێ بێت. بهیڤی مە ئەڤ بابەتە نە تەنڤێسین بن و سوبە وەرن ژ بیر کرن و چ پێنگاڤ و گەنگەشە لسەر نەهێن کرن. تەنێ کومبوون سوحبەتکرن مە ناگه هینە چ قوناغا.
ئارام دهۆکی – کەنەدا