مینا گەلەک وەلاتێن جیهانێ کەنەدایە کەتیە د قەیرانێت ئابووری و بلند بوونا نرخێ هەمە جورێن خارنێ و کرینا خانوو و بەرا، دیساڤە رێژا بلندبوونا سودێ بانقێ بۆ دانا دراڤێ قەرزی بۆ هەر جورە بزاڤەکا بازرگانی و ئابووری و خزمەتگوزاری کە گەهایە رێژا ٪ ٧ هەروەسان رێژ بەتالیێ هەوقاس بلندبوویە کو دیتنا کاری و دەرخستنا کارمەندا ژ کارا یا بەردەوامە کو نهو رێژە گەهایە نێزیکی ٪٦ ئەڤەژی ددەمەکیدایە کو حکومەتا ترودۆی یا بەردەوامە بئانینا مشەختان برێژەیەکا بەرچاڤ. ئەڤە ژی بوویە جهێ دلگرانیا وەلاتیێ کەنەدا بتایبەتی پارتا ئۆپوزسیون کو تێت نیاسین( پارتا کونسێرڤەتڤ) بسەروکاتیا پێریەر پولیڤەر کو رەخنێن دوژوار روژانە د کەتە سەر جەستن ترۆدۆی سەروکێ پارتا لیبرال کو نووکە لسەر دەستەلاتێیە.
د سەر هندێرا کو کەنەدا بەردەوام هاتیە لقەلەمدان کو ئێک ژ پێشکەشترین وەلات جیهانێ لێ دروژێن نووکەدا پشتی هاتنا کوڤیدا ١٩ و شکەستنا هەڤلبەندێن روژئاڤای ل ئەڤغانستان و پەربا بوونا شەرێ رووسیا و ئوکرانیا و دیڤدا شەرێ حماس و ئسرائیلێ، کەنەدا کەتیە د قەیرانێت ئابووریێن بەرچاڤدا، لێ ژ برکو تێت گووتن هەتا ستیرەک زراڤ دبیت زراڤەک د قەتیێت ژ بەر هندێ کو کەنەدا وەلاتەک مەزنە بهەموو واتایێن خۆڤە لێ دیارناکات. کەنەدا هەردەم ئەو ولات بوویە کو پشتەڤان بوویە بۆ ئانینا مشەختان نە مازە یێن کو توشی قەیرانێن شوران و ئابووری و کاودانێت سروشتی. لێ وەسان خویا دکە گەر ئەڤ وەلاتە بەردەوام ئابوورێ وێ بەرەڤ دابەزینێ بە لدەمێن نێزیک د بیت ئەو شیان نەمینن و ئێدی سیاسەتا ئانینا مشەختان بێت گهورین ئەوژی بگهورینا حکومرانیا پارتا لیبرال بۆ کونسێرڤەتڤ کو دژی بووچوونا بەردەواما ئانینا مشەختانە. د روژەڤا ئەڤرودا دەستەلاتا ئەڤرو بەردەوام یا پەنابەر و مشەختان دئینە کەنەدا ئەڤە لدەمەکی نە کار بۆ هەیە نە جهێ ژیانێ لەوان ئەڤە بۆ چەندین مەهانە گەلەک ژوان هاتینە لێ هەتا نهو د ناڤا هوتێل و مۆتێلاندا دژین. نە گوهدانا حکومەتێ بۆ دەنێن نە رازی و رەخنەیێن هەڤ وەلاتتێ ئاسای د بیت ببیتە ئەگەرا گهورینا ڤێ حکومرانیا بۆ چەندین سالە تێت هەلبژارتن کوهەلبژارتن وێ وەرن ئەنجام دان ل سالا ٢.٢٥ێ.
گران بوونا هوموو جورە کالەک و شتومەک و هەمە جورێن خارنێ و بلندبوونا سودێ بانقی و بەردەوامیا ئینانا پەنابەر و مشەختان بێی پلانەکا شایستە و چەندین کاودانێت نەگەتیڤ وێ ببن ئەگەرا دیماهیک هاتنا حکومرانیا پارتا لیبرال ل کەنەدا کو پتر دەها سالە تێت هەلبژارتن د هەلبژارتنادا. ئابوور ل وەلاتێن سەرمایەدار ببرا پشتا ماما دەستەلاتانە، گەر سەرکەفتن ل وی ئالی لاواز بوو دناڤ سەکتەێن ژێانا ولاتیدا، گەلەک زەحمەتە ئەو دەستەلات بمینە لسەر رێڤەبرنا حکومەتا وی وەلاتی. کەنەدا بەرەف ئابوورەکێ ترسناک تێپەردبیت و دیر نینە گهورین تەنێ مەسەلا دەمی مابیت.
ئارام دهۆکی.
