لوقمان هەورامی
ناوەندی رەوەند کوردستانی-سویسرا
داواکاری ژنان لەم خۆپیشاندانە بۆ یەکسانی مافەکانی ژنانە لەگەڵ پیاوان، لە تەواوی جومگەکانی وڵاتی سویسرا.
سەرەکیترین داواکاری لەم خۆپیشاندانە ،هەقدەستی کارە، کە دەیانەوێ یەکسانبێ لەگەڵ پیاوان، لە هەندێ جێگا هەقدەستی ژنان نزیکەی لە سەدا 15 کەمترە.
دووەم دواکارییان، زیادکردنی پشووی منداڵ بوونە، هەم بۆ دایکان هەم بۆ باوکان.
ناڕازی ژنانی سویسرا، دوای ڕیفۆرمی یاسای خانەنشینی زۆر زیانداربووە، کە دەبێ ژنان تا تەمەنی 65 ساڵی کاربکەن، ئینجا مافیان ھەیە خانەنشین بن.
ئەم خۆپیشاندانە لە میدیاکانی سویسرا زۆر گرنگی پێدەدرێ، بە تایبەت میدیاکانی لایەنە چەپ و سۆسیالیستەکانی سویسرا.
سویسرا ڕاستە لەناو جەرگەی ئەوروپایە، بەڵام سیاسەت و یاسای زۆر جیاوازی لە ئەوروپا هەیە، بە تایبەت لە بواری مافەکانی ژنان.
داخوازی و هیوای ژنانی سویسرا ئەوەیە، کە وڵاتەکەیان بگاتە ئاستی وڵاتانی وەک فینلاند و نەرویج و ئایسلەندا، کە پێشکەوتووترین وڵاتانن لە مافەکانی ژنان.